पुरुषांच्या कपड्यांचा महिलांवर परिणाम होणारच!

पुरुषांच्या कपड्यांचा महिलांवर परिणाम होणारच!
nasrin.jpg

इस्लामाबाद: पाकिस्तानचे (Pakistan) पंतप्रधान इम्रान खान (Imran Khan) यांवी केलेल्या विधानावरुन बांग्लादेशच्या (Bangladesh) बंडखोर लेखिका तस्लिमा नसरिन (Taslima Nasrin) यांनी अगदी सडेतोड शब्दांमध्ये प्रत्युत्तर दिले आहे. इम्रान खान यांचे तरुणपणातील शर्ट घातले नसतानाचे फोटो नसरिन यांनी सोशल मिडियावरील (Social media) ट्विटरवरुन पोस्ट केले. स्त्रीयांनी फारच कमी कपडे घातल्यास त्याचा परिणाम पुरुषांवर होईलच. ते रोबोट नसतील तरच हे अपवादात्मक होऊ शकते. हा एक कॉमन सेन्स आहे, असे इम्रान खान म्हणाले होते. एचबीओ अॅक्सीऑस वाहिनीच्या जोनाथन स्वान (Jonathan Swann) यांना दिलेल्या मुलाखतीमध्ये महिलांविरुध्दच्या लैंगिक हिंसाचार रोखण्याबाबत त्यांनी अशाप्रकारचे वक्तव्य केले. ते म्हणाले की, आमच्या देशामध्ये अश्लीलतेमुळे लहान मुला-मुलींचे लैंगिक शोषण होत आहे. हे टाळण्याचा एक मार्ग म्हणजे समाजात आकर्षित करणारी कारणे टाळायला हवीत. (Mens clothing will affect women)

एप्रिल महिन्यामध्ये इम्रान खान यांनी संसदेमधील प्रश्नोत्तराच्या सत्रामध्ये असेच मत व्यक्त केले होते. पर्दा पध्दतीचा उल्लेख करत खान म्हणाले होते की, पाकिस्तानमध्ये समाज आणि जीवनपध्दती ही पूर्णपणे वेगळ्या प्रकारची आहे. त्यामुळे मोहात पाडण्याचे प्रमाण एका पातळीच्या पुढे नेले  तर या तरुण मुलांना काहीही करता येणार नाही. त्याचे परिणाम हे समाजामध्ये उमटणारच.

याविषयी इम्रान खान पुढे म्हणाले, तुम्ही ज्या समाजामध्ये राहत असता त्यावर ते बरचसे अवलंबून आहे. जर तुमच्या समाजाने अशा गोष्टी पाहण्यात आल्या नसतील तर त्यांच्यावर परिणाम हा होणे अटळ असेल.  

No stories found.
Dainik Gomantak
www.dainikgomantak.com