Meta Layoffs: फेसबुकने दिला 11 हजार कर्मचाऱ्यांना नारळ

सीईओ मार्क झुकेरबर्गने मागितली माफी; ट्विटरनंतर आता मेटा कंपनीतही कर्मचारी कपात
Meta company
Meta company Twitter

Meta Layoffs: एलन मस्क यांनी ट्विटरची सुत्रे हाती घेतल्यानंतर कंपनीतील अनेक कर्मचाऱ्यांना नुकतेच घरी घालवले आहे. त्यानंतर आता फेसबुकची पॅरेंट कंपनी असलेल्या मेटा कंपनीने तब्बल 11 हजार कर्मचाऱ्यांना नारळ दिला आहे. याबद्दल कंपनीचे सीईओ मार्क झुकेरबर्ग याबद्दल कर्मचाऱ्यांची माफी मागितली आहे.

Meta company
Italy PM Giorgia Meloni: नाझी समर्थकाला मंत्री केल्याने इटलीच्या पंतप्रधान जॉर्जिया मेलोनी वादात

कंपनीची आर्थिक स्थिती आणि ताज्या तिमाहितीली कंपनीचे निकाल पाहून तसेच डिजिटल महसुलामध्ये घट झाल्याने हा निर्णय घेण्यात आला आहे. मेटा प्लॅटफॉर्म्स इंक कंपनीने नवीन कर्मचारी भरती आधीच थांबवली आहे. त्यातच आता 11 हजारहून अधिक कर्मचाऱ्यांची कपात केली आहे. ही संख्या मेटामधील एकुण कर्मचाऱ्यांच्या 13 टक्के आहे.

याबद्दल बोलताना झुकेरबर्ग म्हणाले की, आम्ही या निर्णयाप्रत कसे आलो, याची संपुर्ण जबाबदारी माझी आहे. हा निर्णय सर्वांसाठीच कठिण होता. ज्या लोकांना याचा फटका बसला आहे, त्याबद्दल मला खेद वाटतो.

Meta company
Heatwaves In Europe: उष्म्यामुळे दरवर्षी 90,000 युरोपियन्स जीवाला मुकणार

मेटा कंपनीच्या ज्या कर्मचाऱ्यांना कंपनीतून बाहेरचा रस्ता दाखवला गेला आहे, त्यांना 4 महिन्यांचा पगार दिला जाणार आहे. कंपनीचे मनुष्यबळ विभागाचे प्रमुख लॉरी गोलेर यांनी सांगितले की, नुकसान भरपाई म्हणून कर्मचाऱ्यांना 4 महिन्यांचा पगार दिला जाणार आहे.

मेटा कंपनीची सुरवात 2004 पासून फेसबुकपासून झाली आहे. कंपनीच्या 18 वर्षांच्या इतिहासातील ही सर्वात मोठी कर्मचारी कपात आहे. दरम्यान, याच वर्षात ट्विटरने त्यांच्या 50 टक्के कर्मचाऱ्यांची कपात केली आहे. स्नॅपचॅटनेही एकुण मनुष्यबळाच्या 20 टक्के कर्मचारी कपात करणार असल्याचे म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com