CIA चे नवीन टेक चीफ नंद मूलचंदानी कोण? दिल्लीतील 'या' शाळेतून घेतले शिक्षण

भारतीय वंशाचे तंत्रज्ञान व्यावसायिक नंद मूलचंदानी (Nand Mulchandani) यांची CIA चे पहिले CTO म्हणून निवड करण्यात आली आहे.
CIA चे नवीन टेक चीफ नंद मूलचंदानी कोण? दिल्लीतील 'या' शाळेतून घेतले शिक्षण
Nand MulchandaniDainik Gomantak

भारतीय वंशाचे तंत्रज्ञान व्यावसायिक नंद मूलचंदानी (Nand Mulchandani) यांची CIA चे पहिले CTO म्हणून निवड करण्यात आली आहे. दिल्लीतील शाळेत शिकलेले सिलिकॉन व्हॅलीचे आयटी तज्ज्ञ नंद मूलचंदानी हे यूएस सेंट्रल इंटेलिजेंस एजन्सी (CIA) मध्ये इतके उच्च पद मिळवणारे पहिले भारतीय-अमेरिकन आहेत. दिग्दर्शक विल्यम जे. बर्न्स यांनी सोशल मीडियावरुन (Social Media) ही घोषणा केली. सीआयएनुसार, मूलचंदानी यांना सिलिकॉन व्हॅलीमध्ये तज्ज्ञ म्हणून काम करण्याचा 25 वर्षांपेक्षा जास्त अनुभव आहे. (Nand Mulchandani a technology professional of Indian descent, has been selected as CIA's first CTO)

Nand Mulchandani
Russia Ukraine War: रशिया 9 मेनंतर युद्ध संपण्याची घोषणा करणार?

दरम्यान, सीआयएमध्ये सामील होण्यापूर्वी, मूलचंदानी यांनी संरक्षण विभागाच्या आर्टिफिशियल इंटेलिजेंस सेंटरचे सीटीओ आणि कार्यवाहक संचालक म्हणून काम केले. ते अनेक यशस्वी स्टार्टअप्सचे सीरियल उद्योजक आणि सीईओ आहेत, ज्यात ओब्लिक्स (Acquired by Oracle), डिटरमिना (Acquired by VMware), ओपनडीएनएस (Acquired by Cisco) आणि स्केलएक्सट्रीम (Acquired by Citrix) यांचा समावेश केला आहे. ते उद्यम भांडवल फर्म Accel Partners मधील उत्पादन आणि विकास धोरणांवर कंपन्यांना सल्ला देणारे उद्योजक होते.

सीआयएने ट्विट करत म्हटले की, "सीआयए संचालक विल्यम जे. बर्न्स यांनी CIA चे पहिले मुख्य तांत्रिक अधिकारी (CTO) म्हणून नंद मूलचंदानी यांची नियुक्ती केली आहे."

Nand Mulchandani
अमेरिकेतील शिकागोमध्ये गोळीबार; 8 जणांनी गमावला जीव

मूलचंदानी म्हणाले, “सीआयएमध्ये या भूमिकेत सामील होण्याचा मला अभिमान वाटतो. एजन्सीच्या तंत्रज्ञानशास्त्रज्ञ आणि डोमेन तज्ञांच्या टीमसोबत काम करण्यास उत्सुक आहे. तसेच यांच्यासोबत एक व्यापक तंत्रज्ञान धोरण तयार करण्यात मी योगदान देणार आहे.''

तसेच, मूलचंदानी यांनी त्यांचे शालेय शिक्षण दिल्लीतील (Delhi) ब्लूबेल्स स्कूल इंटरनॅशनलमधून पूर्ण केले. याव्यतिरिक्त, त्यांनी कॉर्नेलमधून संगणक विज्ञान आणि गणितात पदवीपर्यंतचे शिक्षण घेतले. त्याचबरोबर स्टॅनफोर्डमधून व्यवस्थापनशास्त्रात मास्टर आणि हार्वर्डमधून सार्वजनिक प्रशासनात पदव्युत्तर पदवी मिळवली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.