NASA Dart Mission:'पृथ्वी संरक्षणाची मोहीम यशस्वी'; लघुग्रहावर आदळले अंतराळयान

अडथळ्याशिवाय ग्रह संरक्षण प्रणाली पूर्ण होण्याची ही पहिलीच वेळ आहे.
NASA Dart Mission
NASA Dart MissionNASA Twitter

पृथ्वीला लघुग्रहांपासून (Asteroid) संरक्षणाची नासाने घेतलेली चाचणी यशस्वीरीत्या पूर्ण झाली आहे. नासाने (NASA) मंगळवारी (दि.27) पृथ्वीचे लघुग्रहापासून संरक्षण करण्यासाठी एक चाचणी घेतली. पहाटे 4:44 वाजता डार्ट अंतराळयान आणि डिमॉर्फोस नावाच्या लहान लघुग्रहाची एकमेंकाशी यशस्वी टक्कर झाली. कोणत्याही अडथळ्याशिवाय ग्रह संरक्षण प्रणाली पूर्ण होण्याची ही पहिलीच वेळ आहे. भविष्यात कोणताही लघुग्रह नष्ट करण्यासाठी याचा फायदा होऊ शकतो.

(Nasa Dart Mission Successfully Crashed into Asteroid)

नासाच्या वतीने या घटनेचे लाईव्हस्ट्रीम करण्यात आले होते. लघुग्रहावर आणि यानाची ज्यावेळी टक्कर झाली त्यावेळी नासाच्या शास्त्रज्ञांनी टाळ्या वाजवून आनंद व्यक्त केला. डार्ट मिशनचे समन्वयक लीड नॅन्सी चाबोट म्हणाले, आम्हाला माहित होते की चाचणी यशस्वी होईल. पण, अपेक्षेपेक्षा अधिक यश मिळाले आहे. एवढ्या नेत्रदीपकपणे यान छोट्या लघुग्रहावर आदळणे हे मोठे यश आहे.

NASA Dart Mission
Supreme Court: ठाकरेंना धक्का, शिंदेना दिलासा; धनुष्यबाणाचा निर्णय निवडणूक आयोगच घेणार

नासाच्या डार्ट प्रकल्पाचा मुख्य उद्देश हा लघुग्रहावर अवकाशयान टक्करचा काही परिणाम होतो का हे तपासणे. त्याच्या दिशेवर आणि वेगावर काही परिणाम होतो की नाही हे पाहणे. अंतराळयानाच्या टक्करमुळे डिमॉर्फोसवर परिणाम झाला असल्याचे शास्त्रज्ञांचे मत आहे. शास्त्रज्ञांचा असा विश्वास आहे की या टक्करमुळे लघुग्रहाला किंचित धक्का बसला असावा आणि मोठ्या लघुग्रहाभोवती त्याची कक्षा बदलली असावी. पृथ्वीवरील आणि अवकाशातील दुर्बिणी या बदलाचे मोजमाप करणार आहेत.

नासा लाइव्हस्ट्रीम अधिकारी बिल नेल्सन यांनी याबाबत आपली प्रतिक्रिया नासाकडे व्यक्त केली आहे. नेल्सन म्हणाले, “ डार्ट प्रकल्पामुळे या मोहिमेद्वारे आपण आपल्या ग्रहाचे लघुग्रहांपासून संरक्षण कसे करावे हे शिकू शकतो. या मोहिमेद्वारे, आमचा हा प्रयत्न आहे की ग्रहांचे संरक्षण हा एक जागतिक गरज आहे, आणि आपल्या ग्रहाचे रक्षण करणे शक्य आहे.”

नासाच्या डार्ट मोहिमेतून लघुग्रहाच्या स्थितीत झालेल्या बदलाचा अहवाल येणे अजून बाकी आहे. येत्या काही दिवसांत शास्त्रज्ञ डिडीमॉस प्रणालीचा अभ्यास करतील. यामध्ये डिमॉर्फोसच्या कक्षेत होणारे बदल आणि अवकाश दुर्बिणीचा जमिनीवरील वेधशाळेच्या सहाय्याने अभ्यास केला जाणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com