अमेरिकेच्या चिथावणी नंतरही उत्तर कोरियाने केली क्षेपणास्त्राची चाचणी

जपानच्या क्योडो वृत्तसंस्थेने उत्तर कोरियाने एकापाठोपाठ आठ बॅलेस्टिक क्षेपणास्त्रे डागल्याचे म्हटले आहे.
Missile testing
Missile testing Dainik Gomantak

उत्तर कोरियाचा हुकूमशहा किम जोंग उन आपल्या कृत्यांमुळे कायम चर्चेत असतो. अमेरिका आणि शेजारी देश दक्षिण कोरियाच्या इशाऱ्यांनंतरही किम क्षेपणास्त्र चाचण्या करत आहे. उत्तर कोरियाने रविवारी सकाळी अज्ञात बॅलेस्टिक क्षेपणास्त्राची चाचणी केल्याचे वृत्त समोर येत आहे . क्षेपणास्त्र प्रक्षेपणाची माहिती दक्षिण कोरियाच्या जॉइंट चीफ ऑफ स्टाफकडून आली आहे. (North Korea tests missile despite US warning)

Missile testing
जो बायडेन यांच्या सुरक्षेत त्रुटी, विमान नो फ्लाय झोनमध्ये दाखल

त्याचवेळी, जपानच्या क्योडो वृत्तसंस्थेने उत्तर कोरियाने एकापाठोपाठ आठ बॅलेस्टिक क्षेपणास्त्रे डागल्याचे म्हटले आहे. एका सरकारी सूत्राच्या हवाल्याने हा दावा करण्यात आला आहे. यापूर्वीही उत्तर कोरियाने क्षेपणास्त्राच्या चाचण्या केल्या आहेत.

Missile testing
शाहबाज शरीफ यांच्याविरोधात एफआयआर दाखल; लाहोर न्यायालयाचा आदेश

उत्तर कोरियाने अशा वेळी ही क्षेपणास्त्र चाचणी केली आहे, जेव्हा त्याचा अमेरिका आणि दक्षिण कोरियाशी वाद वाढत चालला आहे. मिळालेल्या माहितीनुसार, एक दिवस आधी म्हणजे शुक्रवारीच अमेरिकेचे प्रतिनिधी सुंग किम दक्षिण कोरियाची राजधानी सेऊल येथे पोहोचले. अशा स्थितीत अलीकडच्या घडामोडींमुळे हा तणाव आणखी वाढू शकतो.

अमेरिकेने नुकतीच उत्तर कोरियाच्या क्षेपणास्त्र चाचणी कार्यक्रमावर कारवाई करत उत्तर कोरियाची कंपनी आणि एका व्यक्तीवर निर्बंध लादले आहेत. उत्तर कोरियाच्या अणुचाचणीला पाठिंबा दिल्याबद्दल ही कारवाई करण्यात आली. यानंतर अमेरिकेने उत्तर कोरियाला इशारा दिला होता की, किम जोंग उन आपल्या कृत्यांपासून परावृत्त झाले नाही तर अशा प्रकारचे निर्बंध लादले जाऊ शकतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com