जर्मनीतील मर्केल युगाचा अंत, ओलाफ स्कोल्झ बनले नवे चान्सलर

जर्मन संसदेने ओलाफ स्कोल्झ (Olaf Scholz) यांची दुसऱ्या महायुद्धानंतर देशाचे नववे चान्सलर म्हणून निवड केली आहे. यासह, अँजेला मर्केल (Angela Merkel) यांच्या 16 वर्षांच्या कार्यकाळानंतर, युरोपियन युनियनमधील सर्वाधिक लोकसंख्येच्या देशात एक नवीन युग सुरु होत आहे. जर्मनीचे (Germany) आधुनिकीकरण आणि हवामान बदलाशी लढा देण्याच्या मोठ्या आशेने स्कोल्झ सरकार पदभार स्वीकारणार आहेत. मात्र देशातील वाढता कोरोनाचा प्रादुर्भाव आटोक्यात आणण्याचे आव्हान त्यांच्यासमोर आहे. स्कोल्झ यांना बुधवारी 395 खासदारांचा पाठिंबा मिळाला. संसदेच्या 736 जागांच्या कनिष्ठ सभागृहात त्यांच्या तीन पक्षांच्या आघाडीकडे 416 जागा आहेत. जर्मनीचे राष्ट्राध्यक्ष चॅन्सेलर म्हणून स्कोल्झ यांच्या नावाची औपचारिक घोषणा करतील. तसेच संसदेचे अध्यक्ष त्यांना (Germany New Government) शपथ देतील. मर्केल, ज्या आता संसदेच्या सदस्य असणार नाहीत. यावेळी त्यांनी संसदेत मतदान केल्यानंतर प्रेक्षक गॅलरीतून संपूर्ण प्रक्रिया पाहिली. संसदेचे अधिवेशन सुरु झाल्यावर खासदारांनी उभे राहून त्यांच्या प्रती सम्मान व्यक्त केला.

Scholz जर्मनीचे नवे चान्सलर

2018 पासून जर्मनीचे वाइस चान्सलर आणि अर्थमंत्री शोल्ज यांनी सोशल डेमोक्रॅट्स, प्रो-पर्यावरण ग्रीन्स आणि प्रो-बिझनेस फ्री डेमोक्रॅट्सच्या युतीमध्ये अनुभव आणि शिस्त आणली. तीन पक्ष त्यांच्या युतीला प्रगतीशील युती म्हणून प्रक्षेपित करत आहेत. जे जवळजवळ विक्रमी कालावधीसाठी मर्केल यांच्या कार्यकाळानंतर देशात नवीन ऊर्जा आणतील. "आम्ही एक नवीन जोखीम घेत आहोत जी या दशकातील प्रमुख आव्हानांना संबोधित करते," असेही स्कोल्झ यांनी मंगळवारी सांगितले.

अक्षय ऊर्जेचा वापर वाढेल

'नवीकरणीय ऊर्जेचा वापर वाढवून आणि 2038 पर्यंत जर्मनीतील कोळशाचा वापर कमी करण्यासाठी प्रयत्न तीव्र करण्याचे नवीन सरकारचे उद्दिष्ट आहे. आम्हाला देशाला अधिक आधुनिक बनवायचे आहे, ज्यात त्याचे खराब सेलफोन आणि इंटरनेट नेटवर्क (Angela Merkel Era) सुधारणे समाविष्ट आहे. मनोरंजक हेतूंसाठी गांजाची विक्री कायदेशीर करणे आणि जर्मन नागरिकत्वाचा मार्ग सुलभ करणे यासह अधिक उदार सामाजिक धोरणे सादर करण्याची योजना', देखील असल्याचे स्कोल्झ यांनी सांगितले.

सरकार EU साठी उभे राहील

त्याच वेळी, ज्यांना आश्रय दिला गेला नाही, अशा निर्वासितांना त्यांच्या देशात पाठवण्यासाठी अधिक प्रयत्न करण्याचे आश्वासनही त्यांनी दिले. युतीच्या मित्रपक्षांनाही देशातील राष्ट्रीय निवडणुकीत मतदान करण्यासाठी पात्र वय 18 वरुन 16 वर आणायचे आहे. स्कोल्झ यांनी परराष्ट्र धोरण राखण्याचे संकेत दिले आहेत. सरकार मजबूत युरोपियन युनियनसाठी उभे राहील. तसेच ट्रान्स-अटलांटिक युती मजबूत करेल. ग्रीन्स पार्टीचे सह-नेते रॉबर्ट हबेक हे चान्सलर असतील. सरकारमध्ये तिसऱ्या क्रमांकाचे अर्थमंत्रीपद फ्री डेमोक्रॅटचे नेते असलेल्या ख्रिश्चन लिंडनर यांना देण्यात येणार आहे.