Abdul Majeed Death: 6 महिलांशी विवाह, 54 मुलांचा बाप; अब्दुल मजीद यांचा मृत्यू

Abdul Majeed Death: पाकिस्तानमधील अब्दुल मजीद मेंगल नावाच्या व्यक्तीची अशी ओळख होती की, तो 54 मुलांचा बाप होता.
Abdul Majeed
Abdul Majeed Dainik Gomantak

Abdul Majeed Death: पाकिस्तानमधील अब्दुल मजीद मेंगल नावाच्या व्यक्तीची अशी ओळख होती की, तो 54 मुलांचा बाप होता. आता अब्दुल मजीद या जगात नाहीत. 54 मुलांचे वडील असलेल्या मजीद यांनी वयाच्या 75 व्या वर्षी अखेरचा श्वास घेतला. पाकिस्तानातील सर्वात मोठ्या कुटुंबाच्या प्रमुखाचे बलुचिस्तानमधील मोश्की येथे निधन झाले. मिळालेल्या माहितीनुसार, मजीद यांचा मृत्यू हृदयविकाराच्या झटक्याने झाला.

दरम्यान, अब्दुल मजीद (Abdul Majeed) यांनी आपल्या हयातीत 6 महिलांशी लग्न केले होते. यातील 2 महिलांचा मृत्यू झाला आहे, तर 4 जिवंत आहेत. मजीद यांना उपचारासाठी रुग्णालयात नेले असता वाटेतच त्यांचा मृत्यू झाला.

Abdul Majeed
Imran Khan: अमेरिका मालक, पाकिस्तान भाड्याची बंदूक; इम्रान खान विरोधकांवर हल्लाबोल

42 मुले अजूनही जिवंत आहेत

पाकिस्तानी मीडियानुसार, अब्दुल मजीद यांना एकूण 54 मुले होती, त्यापैकी 12 मुलांचा कुपोषणामुळे मृत्यू झाला. मजीद यांच्या 54 मुलांपैकी 42 अजूनही जिवंत आहेत. 42 पैकी 22 मुले आणि 20 मुली आहेत. अब्दुल मजीद यांच्याशी संबंधित एक कथा पाकिस्तानमध्ये (Pakistan) खूप गाजली आहे.

खरे तर, 2017 मध्ये, जेव्हा पाकिस्तानमध्ये राष्ट्रीय जनगणना केली जात होती, तेव्हा सरकारी अधिकारी मजीद यांच्या कुटुंबातील सदस्यांची संख्या पाहून चक्रावून गेले होते. यानंतर मजीद आपल्या देशात चर्चेत आले होते. मजीद यांची ही गोष्ट ऐकून अधिकार्‍यांच्या पायाखालची जमीन सरकली, जेव्हा मजीद यांनी मला शंभर मुलांचा बाप व्हायचे आहे, असे म्हटले.

Abdul Majeed
Pakistan Politics: इम्रान खान यांच्याविरोधात 'Dirty Politics', अध्यक्षपदावरुन हटवण्यासाठी...

मी खूप मेहनत केली...

पाकिस्तानमध्ये अब्दुल मजीद यांच्या आधी जान मोहम्मद नावाचा व्यक्ती 36 मुलांचा बाप होता. मजीद हे ट्रक ड्रायव्हर म्हणून काम करायचे. त्यांचे पहिले लग्न वयाच्या 18 व्या वर्षी झाले, त्यानंतर त्यांनी पाच महिलांशी (Women) लग्न केले. पाकिस्तानी प्रसारमाध्यमांशी संवाद साधताना मजीद एकदा म्हणाले होते की, "मी खूप मेहनत केली आणि माझ्या मोठ्या मुलाला चांगले शिक्षण दिले. पण, आता मी म्हातारा झालो आहे, या गोष्टी माझ्या हाताबाहेर गेल्या आहेत."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com