राजनाथ सिंहांचे ते वक्तव्य 'बेजबाबदार आणि चिथावणीखोर', पाकिस्तानची आगपाखड
Pakistan get angry on Rajnath Singh's Statement Dainik Gomantak

राजनाथ सिंहांचे ते वक्तव्य 'बेजबाबदार आणि चिथावणीखोर', पाकिस्तानची आगपाखड

पाकिस्तान जबाबदारीने वागेल आणि शांतता प्रस्थापित करेल असेही पाकिस्तानने म्हटले आहे. पाकिस्तानच्या परराष्ट्र मंत्रालयाने एक निवेदन जारी केले आहे.

भारताचे संरक्षण मंत्री राजनाथ सिंह (Rajnath Sing) यांनी आपल्या एका भाषणात पाकिस्तानला (Pakistan) जोरदार फटकारले होते आणि पाकिस्तानने हार मानली नाही तर हा नवा आणि बलवान भारत पाकिस्तानला चोख प्रत्युत्तर देईल असे म्हटले होते. त्यांच्या या वक्तव्यावर आता पाकिस्तान संतापला आहे. राजनाथ सिंह यांचे वक्तव्य 'बेजबाबदार आणि चिथावणीखोर' असल्याचे पाकिस्तानने म्हटले आहे. पाकिस्तानच्या परराष्ट्र मंत्रालयाच्या प्रवक्त्याने सांगितले की पाकिस्तान भारताच्या "आक्रमकतेला" प्रत्युत्तर देण्यासाठी पूर्णपणे तयार आहे.(Pakistan get angry on Rajnath Singh's Statement)

पाकिस्तान जबाबदारीने वागेल आणि शांतता प्रस्थापित करेल असेही पाकिस्तानने म्हटले आहे. पाकिस्तानच्या परराष्ट्र मंत्रालयाने एक निवेदन जारी केले आहे. ज्यामध्ये त्यांनी म्हटले आहे की, भारताच्या संरक्षण मंत्र्यांचे पाकिस्तानला धमकावणारे बेजबाबदार, चिथावणीखोर आणि निराधार विधान आम्ही फेटाळून लावतो. इम्रान खान यांना कडक संदेश देताना राजनाथ सिंह म्हणाले होते, 'पाकिस्तान भारताला अस्थिर करण्याचा प्रयत्न करत आहे. पण आम्ही त्याला चोख प्रत्युत्तर देऊ असा संदेश भारताला द्यायचा आहे.

पाकिस्तानच्या परराष्ट्र मंत्रालयाने म्हटले आहे की, एकीकडे राजनाथ सिंह यांचे विधान दिशाभूल करणारे आहे, तर ते भारताचे शेजाऱ्यांशी असलेले वैर दर्शवते. मंत्रालयाने सांगितले की, पाकिस्तान कोणत्याही आक्रमक कारवाईपासून बचाव करण्यास तयार आहे. उत्तराखंडमधील पिथौरागढ येथे भाषण देताना संरक्षण मंत्री म्हणाले होते, 'आम्ही पश्चिम सीमेवरील आमच्या शेजाऱ्याला स्पष्ट संदेश दिला आहे की जर त्याने सीमा ओलांडली तर आम्ही केवळ सीमेवरच प्रत्युत्तर देणार नाही तर त्याच्या हद्दीतही प्रवेश करू. आणि त्यांच्या हद्दीत जाऊन सर्जिकल आणि एअर स्ट्राइक करू.

Pakistan get angry on Rajnath Singh's Statement
सिध्दू पाकिस्तानचे कौतुक करु शकतात तर...

देशाचे संरक्षण मंत्री राजनाथ सिंह यांनी पाकिस्तानला जोरदार फटकारले होते . पाकिस्तानने आपल्या कृत्यांमध्ये सुधारणा करावी, अन्यथा त्याला चोख प्रत्युत्तर दिले जाईल, अशा कडक शब्दात संरक्षण मंत्री राजनाथ सिंह यांनी पाकिस्तानला एक प्रकारचा इशाराच दिला होता .भारताने कधीही कोणत्याही देशावर हल्ला केला नाही. देशाने कोणत्याही परकीय भूमीचा ताबा घेतला नाही. शेजाऱ्यांशी चांगले संबंध ही भारताची संस्कृती आहे, पण काही लोकांना ते समजत नाही. चीनचे नाव न घेता ते म्हणाले की, मला माहीत नाही, ही त्यांची सवय आहे की स्वभाव. पाकिस्तानचे नाव घेत ते म्हणाले की, ते दहशतवादी कारवायांच्या माध्यमातून भारताला अस्थिर करण्याचा प्रयत्न करत आहेत आणि त्यांना कडक संदेश देण्यात आला आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com