पैगंबर विवाद: भारताविरोधात पाकिस्तान चालवतोय सोशल मीडियावर 'नापाक' मोहिम

पाकिस्तान पुन्हा एकदा भारताची बदनामी करण्यासाठी सोशल मीडियाचा वापर करत आहे.
पैगंबर विवाद: भारताविरोधात पाकिस्तान चालवतोय सोशल मीडियावर 'नापाक' मोहिम
Prophet MuhammadDainik Gomantak

भाजपच्या निलंबित नेत्या नुपूर शर्मा यांनी चर्चेदरम्यान मोहम्मद पैगंबर (Prophet Muhammad) यांच्यावर टीका केल्यानंतर पाकिस्तान पुन्हा एकदा भारताची बदनामी करण्यासाठी सोशल मीडियाचा वापर करत आहे. डिजिटल फॉरेन्सिक रिसर्च अँड अॅनालिटिक्स सेंटर (DFRAC) ने ही माहिती दिली. (Pakistan is once again using social media to discredit India)

Prophet Muhammad
तब्बल 300 वर्षांपूर्वी बुडालेल्या 2 जहाजांचा लागला शोध

60,000 हून अधिक ट्विटर वापरकर्त्यांचे विश्लेषण करण्यात आले आहे. त्यापैकी बहुतेक नॉन-व्हेरिफाईड वापरकर्ते होते ज्यांनी भारताविरुद्ध भडकाव्याचे हॅशटॅग वापरण्याचा प्रयत्न केला. विविध देशांतील 60,020 वापरकर्त्यांनी या मुद्द्यावर पाकिस्तानच्या 7,100 हून अधिक हँडल्सशी संवाद साधला आहे.

पाकिस्तानातील डिजिटल माध्यम वापरकर्त्यांच्या मनात अनेक प्रकारच्या दिशाभूल करणाऱ्या गोष्टी सुरू आहेत आणि त्यामुळेच दिशाभूल करणारी अनेक फोटोज सोशल मीडियावर शेअर केली जात आहेत.

DFRAC च्या म्हणण्यानुसार, पाकिस्तानी आर्य न्यूजसह अनेक मीडिया हाऊसने ओमानच्या ग्रॅंड मुफ्तींनी भारतीय उत्पादनांवर बहिष्कार टाकल्याची खोटी बातमी चालवली होती. त्यांनी पैगंबर मुहम्मद यांच्यावरील वक्तव्यावर टीका केली आणि सर्व मुस्लिमांना त्याविरोधात एकत्र येण्याचे आवाहन देखील केले. परंतु, भारताचा बहिष्कार करणारा हा ट्रेंड दिशाभूल करणारा आहे.

Prophet Muhammad
भारतानंतर बांगलादेशात वादग्रस्त वक्तव्यांचं पेव, हसीना सरकारवर दबाव

त्याचप्रमाणे पाकिस्तानचे माजी राजदूत अब्दुल यांनी भाजपचे निष्कासित नेते नवीन जिंदाल हे बिझनेसमॅन जिंदाल यांचे भाऊ असल्याचा चुकीचा दावा देखील केला होता. याशिवाय इंग्लिश क्रिकेटर मोईन अलीच्या नावाने एक बनावट स्क्रीनशॉट वापरण्यात आला होता ज्यामध्ये तो आयपीएलवर बहिष्कार घालण्याबाबत बोलत असल्याचे त्यामधून दिसून येत होते. आणि तो स्क्रीनशॉट व्हायरलही झाला. #Stopinsulting_ProphetMuhammad, #boycottindianproduct हे काही सर्वाधिक वापरलेले हॅशटॅग होते.

इंडोनेशिया, सौदी अरेबिया, यूएई, जॉर्डन, बहरीन, मालदीव, ओमान, अफगाणिस्तान, कुवेत, कतार आणि इराणसह अनेक देशांनी शर्मा यांनी पैगंबर मोहम्मद यांच्यावर केलेल्या वक्तव्याचा तीव्र निषेध केला. इराण आणि कतारने भाजपच्या दोन्ही नेत्यांविरोधात भारत सरकारने केलेल्या कारवाईवर समाधानी असल्याचे वक्तव्य जारी केले.

खालिद बेदुइन, मोइनुद्दीन इब्न नसरुल्ला आणि अली सोहराब यांसारख्या द्वेष करणाऱ्यांना जातीयवाद पसरवण्याची आणखी एक संधी मिळाली आहे. खालिद बेदौनने #BoycottIndianProduct या हॅशटॅगसह पोस्ट करण्यास सुरुवात केली आणि त्यादरम्यान काश्मीरचा मुद्दा देखील त्यामध्ये ओढला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com