Pakistan Political Crisis: पाकिस्तानचे माजी पंतप्रधान इम्रान खान यांच्या अडचणी कमी होण्याचं नाव घेत नाहीये. यातच आज इम्रान यांना सर्वात मोठा धक्का बसला.
इम्रान यांचे निकवर्तीय आणि त्यांच्या पक्षाचे (तेहरीक-ए-इन्साफ) ज्येष्ठ नेते आणि माजी केंद्रीय मंत्री फवाद चौधरी यांनी पीटीआय पक्षाचा राजीनामा दिला. इम्रान यांच्या अटकेनंतर 9 मे रोजी उसळलेल्या हिंसाचाराचा त्यांनी निषेध केला होता.
दरम्यान, फवाद चौधरी हे 2018 मधील इम्रान यांच्या विजयाचे मुख्य शिल्पकार मानले जातात. मी राजकारणातून ब्रेक घेण्याचा निर्णय घेतला आहे, त्यामुळे मी पक्षाच्या पदाचा राजीनामा दिला असून, इम्रान खान (Imran Khan) यांच्यापासून वेगळे होत असल्याचे ट्विट फवाद चौधरी यांनी केले.
एकीकडे फवाद चौधरी राजीनामा देत आहेत, तर दुसरीकडे इम्रान खान देशाला संबोधित करत आहेत. सरकार आणि लष्कर माझ्या पक्षाच्या नेत्यांना आणि कार्यकर्त्यांना तुरुंगात टाकत असल्याचे इम्रान खान म्हणाले. या लोकांवर पीटीआय सोडण्यासाठी दबाव टाकला जात आहे. मी पीटीआयमध्ये नाही, असे कोणी म्हणत असेल तर त्याला सोडले जात आहे, असेही इम्रान म्हणाले.
दुसरीकडे, 9 मे नंतर संपूर्ण पाकिस्तानात उसळलेल्या हिंसाचारामुळे अनेक वरिष्ठ पीटीआय नेत्यांनी इम्रान यांची साथ सोडली आहे. पीटीआयचे नेते एकापाठोपाठ एक पक्षाचा निरोप घेत आहेत. या नेत्यांमध्ये आतापर्यंत सर्वात मोठे नाव फवाद चौधरी यांचे आहे.
2018 मध्ये, इम्रान सरकारच्या कार्यकाळात, फवाद चौधरी विज्ञान आणि तंत्रज्ञानाचे फेडरल मंत्री बनले होते. यानंतर, 14 एप्रिल 2021 ते 10 एप्रिल 2022 पर्यंत ते माहिती आणि प्रसारण मंत्री होते.
पाकिस्तानच्या (Pakistan) पंजाब प्रांतातील केदिना येथे जन्मलेल्या चौधरी यांनी 2012 ते मार्च 2013 दरम्यान पंतप्रधान युसूफ रझा गिलानी आणि राजा परवेझ अश्रफ यांच्या फेडरल मंत्रिमंडळातही काम केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.