Bilawal Bhutto: पंतप्रधान मोदींविषयी केलेल्या वक्तव्यावर बिलावल भुट्टो ठाम; आता म्हणाले....

ऐतिहासिक वास्तव बोलल्याचे भुट्टोंचे स्पष्टीकरण
Bilawal Bhutto
Bilawal BhuttoDainik Gomantak

Bilawal Bhutto: पाकिस्तानचे परराष्ट्र मंत्री बिलावल-भुट्टो झरदारी यांनी भारताचे पंतप्रधान नरेंद्र मोदी यांचा उल्लेख गुजरातचा कसाई असे म्हटले होते. त्याचे मोठे पडसाद भारतात उमटले होते. आपल्या या वक्तव्याची भुट्टो यांनी स्वतःच पुन्हा पाठराखण केली आहे. त्यासाठी त्यांनी आता नवे कारण दिले आहे.

Bilawal Bhutto
Singapore: बलात्कार कायदा कडक करावा - राष्ट्रपती हलीमा याकूब

बिलावल भुट्टो त्यांच्या 'कसाई' विधानावर स्पष्टीकरण देताना म्हणाले की, मी मोदींवर जी टिप्पणी केली, ते शब्द माझे नसून भारतीय मुस्लिमांचे होते. भारतातील मुस्लिम जे बोलतात तेच मी बोललो,' असेही भुट्टो म्हणाले. ब्लूमबर्गच्या पत्रकाराशी संवाद साधताना बिलावल म्हणाले, “मी भारतीय पंतप्रधान मोदींबद्दल जे बोललो ते ऐतिहासिक वास्तव आहे, मी त्याच गोष्टीबद्दल बोलत होतो. मी केलेल्या टिप्पण्या माझ्या नाहीत. ते शब्द माझे नव्हते, मी मोदींसाठी 'गुजरातचा कसाई' हा शब्द शोधला नव्हता. गुजरात दंगलीनंतर भारतात फक्त मुस्लिमांनी मोदींसाठी हा शब्द वापरला.

गेल्या आठवड्यात, संयुक्त राष्ट्रात पत्रकार परिषदेत बिलावल यांनी पंतप्रधान मोदींना 'गुजरातचा कसाई' म्हटले होते. 2002 मध्ये गुजरातमध्ये झालेल्या 2,000 हून अधिक मुस्लिमांच्या हत्याकांडासाठी शिक्षा होण्याऐवजी मोदींना भारताचे पंतप्रधान करण्यात आल्याचे त्यांनी सांगितले. ओसामा बिन लादेन मेला पण गुजरातचा कसाई अजून जीवंत आहे, असे वक्तव्य भुट्टो यांनी केले होते.

Bilawal Bhutto
Google CEO Sunder Pichai: भारतीय महिलांच्या स्टार्टअपमध्ये गूगल करणार 'इतक्या' कोटींची गुंतवणूक; सुंदर पिचाईंची घोषणा

त्यानंतर पाकिस्तानच्या आणखी एक मंत्री शाझिया मरी (Shazia Marri) यांनी बिलावलच्या समर्थनार्थ घेतलेल्या पत्रकार परिषदेत म्हटले होते की, आम्ही शांत बसण्यासाठी अणुबॉम्ब बनवलेला नाही. भारताकडून काही कारवाई झाल्यास त्याला उत्तर दिले जाईल. पाकिस्तानला कसं उत्तर द्यायचं ते माहीत आहे. एक थप्पड मारल्यावर दुसरा गाल समोर करणारा पाकिस्तान हा देश नाही. मी अनेक मंचांवर मोदी सरकारने पाठवलेल्या प्रतिनिधींशी लढले आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com