ज्येष्ठ नागरिकांसाठी फायझरची लस ठरणार प्रभावी

न्यूयॉर्क : अमेरिकेतील फायझर आणि बायोएनटेक या कंपन्यांनी विकसीत केलेली कोरोना विषाणूवरील लस वयाची ६५ वर्ष ओलांडलेल्या नागरिकांमध्ये ९५ टक्के प्रभावी ठरते, असे चाचणीतून दिसून आले आहे. या लशीची तिसऱ्या टप्प्यातील चाचणी सुरु असून ही लस सर्व वयाच्या आणि वंशांच्या नागरिकांसाठी उपयुक्त असल्याचा दावाही कंपनीतर्फे केला जात आहे. जगभरातील ४१ हजार स्वयंसेवकांना लशीचे दोन डोस देण्यात आले होते.