Sri Lanka Emergency: राष्ट्रपती गोटाबाया राजपक्षे यांनी मध्यरात्रीपासून आणीबाणी केली जाहीर

आर्थिक संकटाचा सामना करणाऱ्या श्रीलंकेत आज मध्यरात्रीपासून आणीबाणी लागू करण्यात आली आहे.
Sri Lanka Emergency: राष्ट्रपती गोटाबाया राजपक्षे यांनी मध्यरात्रीपासून आणीबाणी केली जाहीर
Sri LankaDainik Gomantak

Emergency In Sri Lanka: आर्थिक संकटाचा सामना करणाऱ्या श्रीलंकेत आज रात्रीपासून आणीबाणी लागू करण्यात आली आहे. राष्ट्रपती गोटाबाया राजपक्षे यांनी ही घोषणा केली आहे. श्रीलंकेतील (Sri Lanka) प्रमुख विरोधी पक्षाने नुकताच सरकार आणि राष्ट्राध्यक्ष गोटाबाया राजपक्षे यांच्याविरोधात अविश्वास प्रस्ताव आणला होता. (President Gotabaya Rajapaksa declared a state of emergency in Sri Lanka from midnight)

दरम्यान, विरोधी पक्षांनी आरोप केला की, 'जेव्हा देश सर्वात वाईट आर्थिक स्थितीतून जात आहे, तेव्हा राजपक्षे यांनी त्यांच्या घटनात्मक जबाबदाऱ्या पार पाडल्या नाहीत.' मुख्य विरोधी पक्ष, समगी जना बालवेगया (SJB) ने SLPP युती सरकारच्या विरोधात दोन अविश्वास प्रस्ताव संसदेचे अध्यक्ष महिंदा यापा अभयवर्धन यांच्याकडे सादर केले.

Sri Lanka
Sri Lanka Crisis: हिंसक आंदोलकांवर पहिल्यांदाच गोळीबार; 1 ठार, 10 जण जखमी

तसेच, गोटाबाया राजपक्षे आणि त्यांच्या मंत्रिमंडळाला सत्तेतून काढून टाकण्यासाठी 225 सदस्यांच्या संसदेत (Parliament) बहुमत आवश्यक आहे. युनायटेड पीपल्स फोर्सकडे 54 मते आहेत. त्यांना छोट्या पक्षांचा पाठिंबा मिळण्याची अपेक्षा आहे. सत्ताधारी पक्षाकडे सुमारे दीडशे मते आहेत, मात्र आर्थिक संकटाच्या काळात ही संख्या कमी झाल्याने काही नेते पक्षाच्या विरोधात जाण्याची भीती आहे.

दरम्यान, राजपक्षे यांच्या आधी सिरीसेना राष्ट्राध्यक्ष होते. या महिन्याच्या सुरुवातीला सुमारे 40 खासदारांसह पक्षांतर करण्यापूर्वी ते सत्ताधारी पक्षाचे खासदार होते. श्रीलंका दिवाळखोरीच्या उंबरठ्यावर आहे. विशेष म्हणजे श्रीलंकेने (Sri Lanka) परकीय कर्जाची परतफेड स्थगित करत असल्याचे जाहीर केले आहे. या वर्षी $7 अब्ज विदेशी कर्ज आणि 2026 पर्यंत $25 अब्ज श्रीलंकेला भरावे लागणार आहेत. त्यांचा परकीय चलनाचा साठा एक अब्ज डॉलरच्या खाली आला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.