France New Pension Scheme : फ्रान्समध्ये नव्या पेन्शन योजनेविरोधात हिंसक आंदोलन, नेमकं काय आहे प्रकरण सविस्तर वाचा

पेन्शन सुधारणांबाबत फ्रान्समध्ये सुरू असलेला गोंधळ थांबण्याचे नाव घेत नाही आहे.
France New Pension Scheme Protest
France New Pension Scheme ProtestDainik Gomantak

पेन्शन सुधारणांबाबत फ्रान्समध्ये सुरू असलेला गोंधळ थांबण्याचे नाव घेत नाही. देशातील नवीन पेन्शन योजनेच्या निषेधार्थ सुरू झालेली निदर्शने सुरूच आहेत. सरकारच्या प्रस्तावाला विरोध करण्यासाठी गुरुवारी फ्रान्समध्ये लाखो लोकांनी मोर्चा काढला. यादरम्यान पॅरिससह देशातील काही भागात आंदोलकांची पोलिसांशी झटापट झाल्याचे चित्र समोर आले आहे. (Protest in France Against New Pension Scheme)

France New Pension Scheme Protest
Pakistan TTP Attack : पाकिस्तानमध्ये TTP च्या आत्मघाती हल्ल्यात 3 पोलीस अधिकारी ठार
  • सरकारी सेवांवर परिणाम

या प्रचंड निदर्शनादरम्यान अनेक संघटनांनी संप जाहीर करून अनेक सरकारी सेवा खंडित केल्या. उग्र निदर्शनांमुळे फ्रान्सच्या सार्वजनिक वाहतूक सेवेवर वाईट परिणाम झाला. यादरम्यान पोलिसांनी सौम्य बळाचा वापर केला त्यामुळे संतप्त झालेल्या लोकांनी पोलिस आणि पॅरिस प्रशासनाच्या विरोधात घोषणाबाजी करत आपला रोष नोंदवला.

  • विधेयकाला विरोध का?

माहितीनुसार, स्थानिक संघटनांनी निवृत्तीचे वय वाढवण्याच्या सरकारच्या प्रस्तावित योजनेच्या विरोधात व्यापक संप आणि निषेध पुकारले आहेत. जर हे विधेयक मंजूर झाले तर फ्रान्समधील सरकारी नोकऱ्यांमधील निवृत्तीचे वय 62 वरून 64 होईल, असे त्यांचे म्हणणे आहे.

  • लोकांनी ही योजना नाकारली

IFOP सर्वेक्षणानुसार, जनतेने नवीन सुधारणा पूर्णपणे नाकारल्या आहेत. 68 टक्के लोक म्हणतात की ते कधीही स्वीकारणार नाहीत. त्याचवेळी, फ्रेंच मीडियामध्ये प्रसिद्ध झालेल्या वृत्तानुसार, पॅरिस पोलीस आता अशा निदर्शनांमध्ये जमणाऱ्या गर्दीला तोंड देण्यासाठी नवीन खबरदारीच्या उपाययोजना करत आहेत. देशाचे गृहमंत्री गेराल्ड डरमॅनिन म्हणाले की, निदर्शनांच्या पार्श्वभूमीवर 10,000 हून अधिक पोलिस तैनात केले जातील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com