काही दिवसांपासून रशिया आणि युक्रेनमधील हल्ल्याचा विषय चांगलाच चर्चेत आहे. या हल्याला आता साधारण महिन्यापेक्षा जास्त कालावधी झाला आहे. तरीदेखील दोघांपैकी कुणीही माघार घेण्यास तयार नसल्याचे चित्र आहे. रशियाने (Russia and Ukraine War) केलेल्या आक्रमणाचा सामना करणाऱ्या युक्रेनमधील परिस्थिती भयंकर झाली आहे.
या हल्ल्यानंतर युक्रेनियन नागरिकांनी सुरक्षित ठिकाणी आसरा शोधण्याचा प्रयत्न केला. काही लोक अंडरग्राऊंड बॉम्ब शेल्टर्समध्ये गेले तर काहींनी इतर युरोपियन देशांमध्ये आश्रय घेतला. पण यापैकी एक मुलगी अशी होती जिला संकटाच्या काळात भारताची (India) आठवण आली. आपला जीव वाचण्यासाठी ती फक्त दोन जोडी कपड्यांसह दिल्लीला आली. आता या मुलीने तिच्या भारतीय प्रियकराशी लग्न केले आहे.
अॅना होरोदेत्स्का (Anna Horodetska) असे या युक्रेनियन मुलीचे नाव आहे. माहितीनुसार, युक्रेनची राजधानी कीव येथील रहिवासी असलेली 30 वर्षीय अॅना ऑगस्ट 2019 मध्ये भारतात आली होती. कीवमधील एका आयटी कंपनीत (IT Company) नोकरी करणारी अॅना सोलो ट्रीपसाठी भारतात आली होती. या भारत भेटीदरम्यान तिची अनुभव भसीन या तरुणाशी ओळख झाली होती. दिल्लीमध्ये राहणारा अनुभव वकील आहे. त्यानंतर ओळखीचं रुपांतर मैत्रीत आणि मैत्रीचे रुपांतर प्रेमात झाले.
अॅना युक्रेनला परतल्यानंतरही दोघे व्हिडिओ कॉलच्या ते एकमेकांच्या संपर्कात होते. 2020 मध्ये अॅना अनुभवला भेटण्यासाठी पुन्हा भारतात आली होती. यावेळी तिने आपल्या एका मैत्रिणीलाही सोबत आणले होते. यावेळी दोघांनीही लग्नकरण्याचे ठरवले होते. पण कोरोनामुळे या गोष्टीला उशीर झाला. मात्र आता या हल्ल्यामुळे स्वत:चा बचाव करण्यासाठी ती आपल्या प्रियकराकडे परतली आणि त्या दोघांनी एकमेकांशी लग्न केले. सध्या या दोघांच्या लग्नाचा विषय सोशल मीडियावर चर्चेचा विषय बनला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
