जगभरात कोरोनाचा संसर्ग (Covid19) वाढत असताना शनिवारी भारत आणि चीन यांच्यातील तणावासंबंधी रशियाचे राष्ट्रपती व्लादिमीर पुतीन(Vladimir Putin) यांनी आपले मत मांडले आहे. भारताचे पंतप्रधान मोदी (narendra modi) आणि चीनचे राष्ट्रपती शी जिंनपिंग (Xi Jinping) हे दोन्हीही जबाबदार नेते आहेत. तसेच भारत-चीन सीमाविवादावर (Indo-China border dispute) तोडगा काढण्यासाठी सक्षम नेते आहेत. जगातील कोणत्याही इतर देशांनी या दोन देशांच्या सीमाविवादात हस्तक्षेप करु नये.(Russian President Putin on India China border dispute said)
जगातील विकसित देशांचा समूह असणाऱ्या क्वाड वर टिका करताना पुतीन म्हणाले, कोणत्याही देशाने इतर देशांच्या प्रश्नासंबंधी सहभागी होत असताना त्या गोष्टीचे पूर्ण आकलन केले पाहिजे. द्विपक्षीय संबंध निर्माण करताना त्या दोन्ही देशांनी कितीपर्यंत संबंध वाढवले पाहिजेत यासंबधीचा विचार त्या दोन्ही देशांनी केला पाहिजे. तसेच द्विपक्षीय संबंध निर्माण करत असताना इतर देशांच्या विरोधात त्या संबंधाचा वापर करण्यात येऊ नये, असेही पुतीन म्हणाले.
चीनचे राष्ट्रपती शी जिंनपिंग यांनी म्हटले होते की, क्वाड देशांचा गट हिंद-प्रशांत क्षेत्रातील चीनचा वाढता प्रभाव रोखण्यासाठी बनवण्यात आला आहे. तर दुसरीकडे पुतीन यांना भारत-चीन यांच्या सीमाविवादाबद्दल विचारले असता, दोन शेजारी देशामध्ये अशाप्रकारचे सीमा विवाद असतातच.
पुतीन पुढे म्हणाले, 'भारताचे पंतप्रधान नरेंद्र मोदी आणि चीनचे राष्ट्रपती शी जिंनपिंग जबाबदार नेते असून ते द्विपक्षीय संबंधाबद्दल ज्यावेळीही भेटतात त्यावेळी पूर्ण सन्मानपूर्वक भेटतात. मला विश्वास आहे की, कोणत्याही प्रकारची कठीण परिस्थिती येऊ त्यातून मार्ग काढण्यासाठी हे दोन्ही नेते सक्षम आहेत. मात्र या दोन्ही देशांच्या सीमाविवादामध्ये इतर कोणत्याही देशाने हस्तक्षेप करु नये.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.