शास्त्रज्ञ Stephen Hawking यांनी डॉक्टरांचा अंदाज ठरवला होता खोटा

हे विश्व कोणीही निर्माण केले नाही. ही नैसर्गिक देण आहे. आणि मनुष्य निसर्ग निर्मित प्राणी आह, असे ठाम मत महान शास्त्रज्ञ स्टीफन हॉकिंग यांचे होते.
शास्त्रज्ञ Stephen Hawking यांनी डॉक्टरांचा अंदाज ठरवला होता खोटा
Scientist Stephen HawkingDainik Gomantak

महान शास्त्रज्ञ स्टीफन हॉकिंग (Stephen Hawking's Birthday) यांचा आज जन्मदिन. त्यांचा जन्म 8 जानेवारी 1942 रोजी ऑक्सफर्ड (Oxford), युनायटेड किंगडम (United Kingdom) येथे झाला होता. स्टीफन हॉकिंग ही अशी व्यक्ती होती ज्याने डॉक्टरांचे भाकीत खोटे ठरवले होते. एवढेच नाही तर शास्त्रज्ञ स्टीफन हॉकिंग यांनीच देव नाही असेही म्हटले होते. आपलं नशीब कोणी लिहीत नाही असे त्यांचे ठाम मत होते कारण स्टीफन हॉकिंग हे नास्तिक होते.

स्टीफन हॉकिंगबद्दल डॉक्टरांनी केली होती भविष्यवाणी

शास्त्रज्ञ स्टीफन हॉकिंग (Scientist Stephen Hawking) यांना अॅमियोट्रॉफिक लॅटरल स्क्लेरोसिस (Amyotrophic Lateral Sclerosis) (ALS) आजार होता. स्टीफन हॉकिंग वयाच्या 21 व्या वर्षी या धोकादायक आजाराच्या विळख्यात आले. एएलएस आजारात माणसाची मज्जासंस्था हळूहळू काम करणे बंद करते. मग हळूहळू संपूर्ण शरीराची हालचाल थांबते. स्टीफन हॉकिंग जेव्हा उपचारासाठी रुग्णालयात गेले तेव्हा डॉक्टरांनी सांगितले की ते फक्त जास्तीत जास्त दोन वर्ष जगू शकतील.

Scientist Stephen Hawking
ओमिक्रॉनमुळे अमेरिकेत वाढला तणाव, चार आठवड्यात 84,000 लोकांचा होऊ शकतो मृत्यू

स्टीफन हॉकिंग यांनी डॉक्टरांचा दावा खोटा असल्याचे सिद्ध केले

आपल्या प्रबळ इच्छाशक्तीच्या जोरावर स्टीफन हॉकिंग यांनी डॉक्टरांचा अंदाज खोटा ठरवला. त्यावेळी स्टीफन हॉकिंग यांच्या मेंदूशिवाय शरीराचा कोणताही भाग काम करत नव्हता. असे असूनही स्टीफन हॉकिंग यांनी हार मानली नाही आणि ते जगातील महान शास्त्रज्ञ बनले.

स्टीफन हॉकिंग यांचे महत्त्वाचे संशोधन

शास्त्रज्ञ स्टीफन हॉकिंग यांनी अवकाश विज्ञान क्षेत्रात मोठे योगदान दिले. सिंग्युलॅरिटीचा सिद्धांत, कृष्णविवरांचा सिद्धांत, कॉस्मिक इन्फ्लेशन थिअरी, ब्रह्मांडाचे वेव्ह फंक्शन मॉडेल आणि टॉप-डाउन थिअरी हे रिसर्च त्यांनी केले आहे.

Scientist Stephen Hawking
Omicron variant बद्दल भारताला अमेरिकन आरोग्य तज्ञांचा सल्ला

त्यांच्या मृत्यूबाबत डॉक्टरांचे भाकीत चुकीचे सिद्ध करण्याबरोबरच शास्त्रज्ञ स्टीफन हॉकिंग यांनी देवाच्या अस्तित्वावर प्रश्नचिन्ह उपस्थित केले होते. ते म्हणाले होते, 21 व्या शतकाच्या अखेरीस आपण देवाचे मनही जाणून घेण्यास सुरुवात करू. हे विश्व कोणीही निर्माण केले नाही. ही नैसर्गिक देण आहे. आणि आपण निसर्गाची निर्मीती आहोत, असे ठाम मत महान शास्त्रज्ञ स्टीफन हॉकिंग यांचे होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com