Pakistan: शाहबाज सरकारची दमनशाही, प्रसिद्ध टीव्ही चॅनलवर केली मोठी कारवाई

Shahbaz Sharif Government: शरीफ सरकार बऱ्याच दिवसांपासून या वाहिनीवर कारवाई करण्याच्या तयारीत होते.
Shehbaz Sharif
Shehbaz SharifDainik Gomantak

Shahbaz Sharif Government In Pakistan: पाकिस्तानातील शाहबाज शरीफ सरकारने देशातील एका प्रसिद्ध वृत्तवाहिनीवर कारवाई करत त्याच्या प्रसारणावर बंदी घातली आहे. एवढेच नाही तर या वाहिनीच्या एका प्रसिद्ध पत्रकाराला पोलिसांनी ताब्यातही घेतले आहे. शरीफ सरकार बऱ्याच दिवसांपासून या वाहिनीवर कारवाई करण्याच्या तयारीत होते. या वृत्तवाहिनीवर केवळ इम्रान खान यांना पाठिंबा देणार्‍या बातम्या दाखवल्या जात असल्याचा आरोपही करण्यात आला आहे.

वृत्तवाहिनीच्या प्रसारणावर तात्काळ बंदी घालावी

वास्तविक, पाकिस्तानी मीडिया रिपोर्ट्सनुसार, देशातील प्रसिद्ध ARY म्हणजेच ARY वृत्तवाहिनीचे प्रसारण बंद करण्यात आले आहे. पाकिस्तान (Pakistan) इलेक्ट्रॉनिक मीडिया रेग्युलेटरी अथॉरिटीचा आदेश आल्यानंतर ही बंदी घालण्यात आली. या आदेशानुसार या वाहिनीच्या प्रसारणावर तात्काळ बंदी घालण्यात आली असून आता पुढील आदेश येईपर्यंत या वाहिनीला प्रसारण करता येणार नाही.

Shehbaz Sharif
Pakistan Economic Crisis: पाकिस्तानमध्ये 'बुरे दिन', अर्थमंत्र्यांचा निर्वाणीचा इशारा

वाहिनीशी संबंधित पत्रकाराला अटक करण्यात आली

तथापि, रिपोर्ट्समध्ये असेही सांगण्यात आले आहे की, कराची, लाहोर (Lahore), इस्लामाबाद, सियालकोट, हैदराबाद (Hyderabad) आणि फैसलाबादसह जवळपास सर्व प्रमुख शहरांमध्ये एआरवाय न्यूजचे प्रसारण बंद करण्यात आले आहे. एवढेच नाही तर या वाहिनीशी संबंधित पत्रकार इम्रान रियाझ यालाही अटक करण्यात आली आहे. माजी पंतप्रधान इम्रान खान (Imran Khan) यांना पाठिंबा देण्याच्या प्रकरणात ते पाकिस्तानमधील विद्यमान सरकारची बदनामी करत असल्याचा आरोप त्यांच्यावर आहे.

Shehbaz Sharif
Pakistan Army: बलुचिस्तानात पाक लष्कराचे हेलिकॉप्टर बेपत्ता; 6 अधिकाऱ्यांचा मृत्यू

दुसरीकडे, वृत्तवाहिनीशी संबंधित पत्रकारांनीही निदर्शने सुरु केली आहेत. वाहिनीवरील बंदी तात्काळ हटवण्यात यावी अशी मागणीही त्यांच्याकडून करण्यात येत आहे. वृत्तवाहिनीशी संबंधित पत्रकार इम्रान रियाझ यांनी ट्विट करत म्हटले की, 'ARY सत्याची किंमत चुकवत आहे. आम्ही सर्व ARY सोबत आहोत. ते आमचा आवाज दाबू शकत नाहीत.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com