Singapore Train Video: सोशल मीडियावर एक अतिशय आश्चर्य करणारा व्हिडिओ वेगाने व्हायरल होत आहे. सिंगापूर ट्रेनचा व्हिडिओ लोकांना आकर्षित करत आहे. व्हायरल व्हिडिओमध्ये सिंगापूर ट्रेन लोकांच्या घरातून जाताच त्याच्या खिडक्या आपोआप बंद होतात. मिळालेल्या माहितीनुसार लोकांच्या गोपनीयतेचे रक्षण करण्यासाठी ही सुविधा देण्यात आली आहे. ट्रेनचा हा व्हिडिओ सोशल मीडियावर मोठ्या प्रमाणात शेअर केला जात आहे.
लँड ट्रान्सपोर्ट अथॉरिटी सिंगापूर सरकारच्या एजन्सीच्या वेबसाइटनुसार, ही ट्रेन सिंगापूरची बुकित पंजांग लाइट रेल ट्रान्झिट आहे.
घराजवळ जाताच बंद होतात ट्रेनच्या खिडक्या
सोशल मीडियावर (Social Media) व्हायरल झालेल्या व्हिडीओमध्ये (Video) असे दिसून येते की, रेल्वे निवासी इमारतींजवळून जाताच त्याच्या खिडक्या अपारदर्शक होतात. शहरी जीवन सुसह्य करण्याचा उपक्रम म्हणून याकडे पाहिले जात आहे. व्हिडिओ सोशल मीडिया प्लॅटफॉर्मवरील वापरकर्ते ट्रेनमधील नवीन फीचरचे कौतुक करत आहेत. हा व्हिडिओ फॅसिनेटिंग फुटेजने ट्विटरवर शेअर केला आहे.
सिंगापूर ट्रेनचे खास फिचर
लँड ट्रान्सपोर्ट ऑथॉरिटीनुसार ही ट्रेन सिंगापूरची बुकित पंजांग लाइट रेल ट्रान्झिट (LRT) आहे. याला सिंगापूरची पहिली लाईट रेल असेही म्हणतात. SGTrains वेबसाइटने म्हटले आहे की, "या ट्रेन्सच्या स्मार्ट मिस्टिंग काचेच्या खिडक्या ऑटोमॅटिक आहेत. या ट्रेन्स एका विशेष एलिव्हेटेड गाईडवेवर धावतात. हे वैशिष्ट्य LRT लाईनजवळ राहणाऱ्या रहिवाशांच्या गोपनीयतेचे रक्षण करण्यासाठी सुरू करण्यात आले आहे." जोडण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.