Srilanka Crisis: श्रीलंकेत अन्नपदार्थ आवाक्याबाहेर, कुपोषणाची वाढती समस्या - युनिसेफ

श्रीलंका सध्या गंभीर आर्थिक संकटाचा (Srilanka Economic Crisis) सामना करत आहे. श्रीलंकेत मुख्य अन्नपदार्थ आवाक्याबाहेर गेले आहेत आणि कुपोषणाची समस्या वाढली आहे, असे युनायटेड नेशन्स चिल्ड्रेन्स फंड (UNICEF) ने म्हटले आहे. गरीब मुले आणि मुलींना याचा सर्वाधिक त्रास होत असल्याचे युनिसेफने म्हटले आहे. दक्षिण आशियासाठी युनिसेफचे प्रादेशिक संचालक जॉर्ज लारिया-अडजेई म्हणाले की अन्न असुरक्षिततेने श्रीलंकेला आधीच गंभीर सामाजिक समस्येत ढकलले आहे.

श्रीलंकेत प्रमुख अन्नपदार्थ उपलब्ध नसल्यामुळे अनेक कुटुंबांना नियमित अन्न मिळत शकत नाहीये. मुलं उपाशीपोटी झोपत आहेत, या मुलांसाठी जेवणाची व्यवस्था कशी होईल हे समजत नाही. श्रीलंकेत कुपोषणाची समस्या अधिक तीव्र होत आहे. असे युनिसेफने म्हटले आहे.

सध्याच्या आर्थिक संकटामुळे श्रीलंकेच्या सामाजिक पायाभूत सुविधांमधील कमतरता समोर आल्या आहेत. या संकटामुळे लाखो लोक अन्न, औषध, इंधन आणि इतर जीवनावश्यक वस्तू खरेदीसाठी धडपडत आहेत. असेही युनिसेफने म्हटलय.