Canada: कॅनडामध्ये भारतीय भाषा बोलणाऱ्यांची संख्या झपाट्याने वाढत आहे. याचा पुरावा स्टॅटिस्टिक्स कॅनडाने जाहीर केलेल्या आकडेवारीतून मिळतो. बुधवारी समोर आलेल्या अहवालात पंजाबी ही कॅनडातील चौथी सर्वाधिक बोलली जाणारी भाषा असल्याचे दिसून आले आहे. याशिवाय हिंदी, मल्याळमसह अनेक भाषा बोलणाऱ्यांची संख्याही देशात झपाट्याने वाढली आहे.
दरम्यान, आकडेवारी दर्शवते की, कॅनडामध्ये (Canada) पंजाबी भाषा बोलणाऱ्यांची गेल्या 5 वर्षांत 49% वाढ झाली आहे. देशातील दोन अधिकृत भाषा म्हणजे इंग्रजी (English) आणि फ्रेंच नंतर मँडरीन (Mandarin) आणि पंजाबी या सर्वात जास्त बोलल्या जातात. इथे सुमारे 5.3 लाख लोक मॅंडरिन भाषा बोलतात. त्याचवेळी, 5.2 लाख पंजाबी भाषिक आहेत.
आकडेवारीनुसार, पंजाबी भाषा चौथ्या स्थानावर आहे. 2016 ते 2021 दरम्यान, मॅंडरीन भाषा बोलणाऱ्यांची संख्या 15 टक्क्यांनी वाढली आहे. तर पंजाबींच्या बाबतीत ही संख्या 49 टक्के आहे. पंजाबी बोलणाऱ्यांची संख्या सरासरी 5.2 टक्क्यांनी वाढली आहे. या वाढीमध्ये इमिग्रेशनचा (Immigration) मोठा वाटा आहे.
दुसरीकडे, घरांमध्ये दक्षिण आशियाई भाषा बोलणाऱ्यांच्या संख्येत झपाट्याने वाढ झाली आहे. आकडेवारीनुसार मल्याळम भाषिकांमध्ये 129 टक्के, हिंदी 66 टक्के, पंजाबी 49 टक्के आणि गुजराती 43 टक्के वाढ झाली आहे. ही वस्तुस्थिती आहे की, कोरोना (Corona) काळातही कॅनडात स्थलांतरितांच्या संख्येत झपाट्याने वाढ झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
