Australia: ऑस्ट्रेलियात हिंदू मंदिरांच्या तोडफोडीच्या घटना वाढल्या आहेत. कधी हिंदू मंदिरांच्या भिंतींवर आक्षेपार्ह लिहिले जाते, तर कधी धमक्या दिल्या जात आहेत. दरम्यान, ऑस्ट्रेलियातील मेलबर्नमध्ये एका हिंदू मंदिराच्या पुजाऱ्याला धमकी देण्यात आली आहे.
ऑस्ट्रेलियन मीडिया रिपोर्ट्सनुसार, मेलबर्नच्या हिंदू काली माता मंदिराच्या पुजाऱ्याला 'भजन बंद करा, अन्यथा परिणामांना सामोरे जावे लागेल' अशी धमकी देण्यात आली आहे.
रिपोर्टनुसार, धमकी देणारा व्यक्ती पंजाबी भाषेत बोलत होता. मंदिराच्या पुजारी भावना यांनी सांगितले की, मंगळवारी मला कॉलर आयडीवरुन कॉल आला. पंजाबीत बोलणाऱ्या या व्यक्तीने 4 मार्चला होणारा भजनाचा कार्यक्रम रद्द करण्याची धमकी दिली. तो म्हणाला की, भजन गाणारी व्यक्ती कट्टर हिंदू आहे, तो आला की गोंधळ घालतो.
वास्तविक, 4 मार्च रोजी या मंदिरात भजनाचा कार्यक्रम होणार आहे. जिथे एक गायक भजन गाणार आहे. पुजारी भावना यांनी सांगितले की, धमकी देणाऱ्या व्यक्तीने सांगितले की, 'तुम्हाला माहित आहे की, गायक कट्टर हिंदू (Hindu) आहे. तो आला तर मंदिरात गोंधळ उडेल.
भावना यांनी पुढे सांगितले की, मी त्यांना विनंती केली की, 'भाऊ, हे माँ कालीचे मंदिर आहे, गुरू महाराज (Guru Gobind Singh) सुद्धा इथे प्रार्थना करायचे.'
दुसरीकडे, ऑस्ट्रेलियन अधिकाऱ्यांचे म्हणणे आहे की, धमकी देणाऱ्याचा शोध घेतला जात आहे. याआधी जानेवारी महिन्यातही ऑस्ट्रेलियात (Australia) तीन मंदिरांची तोडफोड झाल्याची घटना समोर आली होती. यामागे खलिस्तान समर्थकांचा हात होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
