Taliban On Al-Zawahiri: जवाहिरीच्या मृत्यूवर तालिबानने अमेरिकेबाबत केले हे वक्तव्य

Ayman Al Zawahiri: अफगाणिस्तानची राजधानी काबूलमध्ये अमेरिकेने अल-कायदाचा म्होरक्या अयमान अल-जवाहिरी याला ड्रोन हल्ल्यात ठार केले आहे.
Ayman Al Zawahiri
Ayman Al ZawahiriDainik Gomantak

Taliban condemns US drone strike in Kabul: अफगाणिस्तानची राजधानी काबूलमध्ये अमेरिकेने अल-कायदाचा म्होरक्या अयमान अल-जवाहिरी याला ड्रोन हल्ल्यात ठार केले आहे. खुद्द अमेरिकेचे राष्ट्राध्यक्ष जो बायडन यांनी जवाहिरीच्या मृत्यूला दुजोरा दिला आहे. जवाहिरीचा मृत्यू हा दहशतवादी संघटना अल कायदासाठी सर्वात मोठा धक्का मानला जात आहे. अफगाणिस्तानमध्ये अल कायदाचा म्होरक्या अल-जवाहिरीच्या हत्येनंतर तालिबानने प्रतिक्रिया दिली असून हल्ल्याचा निषेध केला आहे.

तालिबानने अमेरिकेबद्दल असे म्हटले

तालिबानचे प्रवक्ते जबिउल्लाह मुजाहिद यांनी कबूल केले की, '31 जुलैच्या रात्री काबूलच्या शेरपूर भागात हवाई हल्ला झाला आणि तपासात हा हल्ला अमेरिकन ड्रोनने केल्याचे समोर आले.' अफगाणिस्तानने अमेरिकेच्या ड्रोन हल्ल्याचा निषेध करत हे आंतरराष्ट्रीय कायद्याचे आणि दोहा कराराचे उल्लंघन असल्याचे म्हटले आहे.

Ayman Al Zawahiri
Ayman Al Zawahiri: अमेरिकेन ड्रोन हल्ल्यात अल-कायदा चीफ अल-जवाहिरी ठार

तालिबान आणि अमेरिका यांच्यातील दोहा करार काय आहे

कतारची (Qatar) राजधानी दोहा येथे 2020 मध्ये अमेरिका आणि तालिबान यांच्यात ऐतिहासिक शांतता करार झाला, ज्या अंतर्गत अमेरिकेला अफगाणिस्तानातून (Afghanistan) आपले सैन्य मागे घेण्यास वचनबद्ध करण्यात आले. तर दुसरीकडे, तालिबानने अमेरिकन सैन्यावरील हल्ले थांबविण्याचे मान्य केले. यानंतर, अमेरिकेने 202 साली आपले सर्व सैन्य मागे घेतले आणि तालिबाननेही त्यांच्या नियंत्रणाखाली असलेल्या भागात अल कायदासह इतर दहशतवादी संघटनांच्या प्रवेशावर बंदी घालण्याचे मान्य केले.

Ayman Al Zawahiri
कोण होता Ayman Al Zawahiri? सर्जन ते मोस्ट वॉन्टेड दहशतवादी, वाचा सविस्तर

9/11 हल्ल्यासाठी जवाहिरीने विमान हायजॅक केले होते

इजिप्शियन सर्जन अयमान अल-जवाहिरीने 11 सप्टेंबर 2001 रोजी अमेरिकेत (America) झालेल्या हल्ल्यासाठी 4 विमानांचे अपहरण करण्यात मदत केली होती. यानंतर वर्ल्ड ट्रेड सेंटरच्या दोन्ही टॉवरवर 2 विमाने आदळली. त्याचवेळी तिसरे विमान अमेरिकेच्या संरक्षण मंत्रालय पेंटागॉनला धडकले, तर चौथे विमान शँकविले येथील शेतात कोसळले. या दहशतवादी हल्ल्यात सुमारे तीन हजार लोक मारले गेले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com