पाकिस्तानविरोधात कव्हरेज करणं पत्रकारांना पडलं महाग; तालिबान्यांची क्रूरता आली समोर

तालिबान (Taliban) लढाख्यांनी केवळ अनेक पत्रकारांना अटक केली नाही, तर त्यांना कोठडीत ठेवून त्यांच्यावर अत्याचार आणि मारहाण केली.
Taliban
TalibanDainik Gomantak

अफगाणिस्तानात (Afghanistan) तालिबानच्या (Taliban) राजवटीसाठी पाकिस्तानने (Pakistan) किती मदत केली आहे, याची जगाला चांगलंच माहिती आहे. परंतु अफगाणिस्तानमधील वास्तव दाखवणे तालिबान्यांना व्यर्थ वाटते. त्यामुळे काबूलमध्ये पाकिस्तानविरोधातील निदर्शने थांबवण्यासाठी गोळ्या झाडल्या गेल्या, तर निदर्शनांचे कव्हर करणाऱ्या अफगाण पत्रकारांनाही शिक्षा तालिबान्यांनी दिली आहे. तालिबानने काबूलमध्ये पत्रकारांना क्रूरपणे शिक्षा दिली आहे. तालिबान लढाख्यांनी केवळ अनेक पत्रकारांना अटक केली नाही, तर त्यांना कोठडीत ठेवून त्यांच्यावर अत्याचार आणि मारहाण केली.

अफगाणिस्तान कव्हर करणाऱ्या न्यूयॉर्क टाइम्सच्या रिपोर्टरने आपल्या ट्विटर अकाऊंटवर हे विदारक फोटो शेअर केले, जे सोशल मिडियावर प्रचंड व्हायरल होत आहे. शरीफ हसन यांनी ट्विट केले की, काल काबूलमध्ये दोन पत्रकारांवर अत्याचार करण्यात आले आणि त्यांना बेदम मारहाण करण्यात आली.

Taliban
तालिबान सरकार स्थापनेनंतर जगभरातून प्रतिक्रिया, चीन समाधानी तर जर्मनी कठोर

त्याचवेळी लॉस एंजेलिसचे (Los Angeles) पत्रकार मार्कस याम (Marcus Yam) यांनी ट्वीट करुन दावा केला की, तालिबानच्या अत्याचाराला बळी पडलेले हे दोन अफगाण पत्रकार इटीलात्रोझचे रिपोर्टर आहेत, ज्यांची नावे नेमत कॅश आणि टाकी दर्याबी आहेत. महिलांच्या निदर्शनांना कव्हर करताना त्यांना ताब्यात घेण्यात आले आणि तालिबान राजवटीने अमानुषपणे मारहाण केली. त्यांनी आपल्या ट्विटमध्ये हॅशटॅग देखील वापरला आहे - पत्रकारिता हा गुन्हा नाही. अफगाणिस्तानची राजधानी काबुलमध्ये एका रॅलीला पांगवण्यासाठी तालिबान लढाख्यांनी मंगळवारी गोळीबार केला आणि निदर्शनाचे कव्हर करणाऱ्या अनेक अफगाण पत्रकारांना अटक केली. या फोटोमध्ये, दोन्ही पत्रकार त्यांच्या पाठीवर खोलवर झालेल्या जखमांसह दिसत आहेत जे खूप भयावह आहेत.

Taliban
ताजिकिस्तानपासून पंजशीर 'डिस्कनेक्ट' जाणून घ्या, तालिबान का ठरतोय वरचढ

अफगाणिस्तानच्या टोलो वृत्तवाहिनीने सांगितले की, अटक करण्यात आलेल्यांमध्ये त्याचा कॅमेरामन वाहिद अहमदी देखील आहे. सुरक्षेच्या कारणास्तव ओळख गोपनीय ठेवून पत्रकार म्हणाला, "त्यांनी (Taliban) मला जमिनीवर नाक घासण्यास भाग पाडले आणि निषेध लपविण्यासाठी माफीही मागण्यास भाग पाडले. मागितली. ते म्हणाले, "अफगाणिस्तानमध्ये पत्रकारिता करणे कठीण होत आहे."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com