'ती मंत्री होऊ शकत नाही, महिलांनी फक्त जन्म द्यावा'

यातच आता तालिबान प्रवक्त्याने (Taliban spokesman) एका मुलाखतीदरम्यान सांगितले की, महिला मंत्री होऊ शकत नाहीत, त्यांचा जन्म फक्त जन्म देण्यासाठी झाला आहे.
'ती मंत्री होऊ शकत नाही, महिलांनी फक्त जन्म द्यावा'
Afghan womenDainik Gomantak

अफगाणिस्तानमध्ये (Afghanistan) तालिबानने (Taliban) अशरफ घनी यांचे लोकशाहीवादी सरकार उलथवून लावत बऱ्याच राजकीय घडामोडीनंतर अखेर अंतरिम सरकार (Interim Government) स्थापन केले आहे. यातच आता तालिबान प्रवक्त्याने एका मुलाखतीदरम्यान सांगितले की, ''महिला मंत्री होऊ शकत नाहीत, त्यांचा जन्म फक्त जन्म देण्यासाठी झाला आहे''. 1990 च्या दशकात अफगाणिस्तानातील क्रूर राजवटीनंतर कट्टरपंथी तालिबानी सध्या करत असलेले दावे पूर्णत:हा खोटे आहेत. तालिबानचे प्रवक्ते सय्यद जकारुल्लाह हाशिमी (Syed Zakarullah Hashimi) यांनी नवीन अफगाणिस्तान सरकारमध्ये (Afghan Government) महिलांचा मंत्री म्हणून समावेश न करण्याबाबत टोलो न्यूजवर केलेलं वक्तव्य सोशल मीडियावर मोठ्या प्रमाणावर शेअर केले जात आहेत.

Afghan women
तालिबान सरकारला मान्यता देण्यास घाई नाही: व्हाईट हाऊस

हाशिमीने टोलो न्यूजला सांगितले, ''महिला मंत्री होऊ शकत नाही, तुम्ही तिला एकादी जबाबदारी दिली तर ती पेलू शकत नाही. त्यामुळे महिलांना मंत्रिमंडळात स्थान न देणेचं योग्य आहे. त्यांचा जन्म फक्त मुलांना जन्म देण्यासाठी झाला आहे. महिला आंदोलक "अफगाणिस्तानच्या सर्व महिलांचे प्रतिनिधित्व करु शकत नाही."

दरम्यान मुलाखतकाराने सांगितले की, अफगाणी महिला या समाजाचा एक हिस्सा आहेत. त्यावर तालिबानी नेते हाशीमने उत्तर दिले, "पण आम्ही त्यांना समाजाचा हिस्सा मानत नाही. गेल्या 20 वर्षांमध्ये अमेरिका आणि अफगाणिस्तानमधील त्याच्या कठपुतळी सरकार चालत होते.

Afghan women
ताजिकिस्तानपासून पंजशीर 'डिस्कनेक्ट' जाणून घ्या, तालिबान का ठरतोय वरचढ

शिवाय, मुलाखतकाराने हस्तक्षेप करत सांगितले की, तुम्ही सर्व महिलांवर वेश्याव्यवसायाचा आरोप करु शकत नाही. त्यावर प्रत्युत्तरादाखल हाशिमी म्हणाली, "माझा हेतू हा सर्व अफगाणी महिलासंबंधी नाही. चार महिला रस्त्यावर उतरुन आंदोलन करत आहेत, त्या अफगाणिस्तानच्या महिलांचे प्रतिनिधित्व करु शकत नाहीत. अफगाणिस्तान स्त्रिया मुलांना जन्म देतात, त्यांचा पालनपोषण करतात आणि इस्लामिक नैतिकतेबद्दल जागृत करतात "

Related Stories

No stories found.
Dainik Gomantak
www.dainikgomantak.com