Talibani Punishment: अफगाणिस्तानातील तालिबानी राजवट क्रूर शिक्षेसाठी ओळखली जाते. त्यांच्या शिक्षेच्या बातम्या प्रसारमाध्यमांतून समोर येत असतात. आताही असाच एक प्रकार समोर आला आहे.
मंगळवारी तालिबानने कंधाहार येथे नऊ जणांना शिक्षा दिली. त्यातील चार जणांचे भर स्टेडियममध्ये सर्वांसमक्ष हात तोडण्यात आले.
कंदाहारमधील फुटबॉल स्टेडियममध्ये नऊ जणांना सार्वजनिकरित्या शिक्षा देण्यात आली. चोरीच्या गुन्ह्यासाठी चार तरुणांचे हात कापण्यात आले. यासोबतच उर्वरित पाच जणांवर अवैध संबंध असल्याचा आरोप ठेवत त्यांनी चाबकाचे फटके मारण्यात आले.
स्टेडियममध्ये उपस्थित शेकडो प्रेक्षकांसमोर ही शिक्षा दिली गेली. अवैध संबंध ठेवणाऱ्या तरुणांना सुमारे 38 फटके मारण्यात आले. त्यांच्या किंकाळ्या स्टेडियममध्ये उपस्थित असलेल्या सर्वांनी ऐकल्या.
कंदहारमध्ये शिक्षा हा प्रकार नवीन नाही. अफगाणिस्तानात तालिबानची सत्ता आल्यापासून अशा शिक्षेची अनेक प्रकरणे समोर आली आहेत.
अशी शिक्षा दिल्याने लोकांच्या मनात भीती निर्माण होईल आणि ते चुकीचे काम करण्यास घाबरतील, असे तालिबानला वाटते.
भविष्यात अशा प्रकारच्या शिक्षा चालू ठेवल्या जातील, जेणेकरून लोक चूक करण्यापूर्वी हजार वेळा विचार करतील, असेही तालिबानने याआधीच स्पष्ट केले आहे.
अमेरिकने सैन्य परतल्यानंतर तालिबानने पुन्हा अफगाणिस्तानचा ताबा घेतला. त्यानंतर नोव्हेंबरमध्ये पहिल्यांदाच सार्वजनिकरित्या फटके मारण्याची शिक्षा देण्यात आली होती. व्यभिचार आणि घरातून पळून गेल्याप्रकरणी 19 स्त्री-पुरूषांना प्रत्येकी 39 फटके मारण्यात आले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
