पाकिस्तानचे पंतप्रधान इम्रान खान यांनी नुकतचं एका पाकिस्तान वृत्त वाहिनीशी बोलताना महिलांवर होणाऱ्या बलात्काराविषयी आक्षेपार्ह विधान केलं होतं. त्यानंतर त्यांच्यावर सर्व स्तरातून टिकेची झोड उटवली गेली. त्यासोबतच सोशल मिडियावर देखील त्यांच्या विधानाचा चांगलाच समाचार घेण्यात आला. आता माजी जगविख्यात टेनिसपटू मार्टीना नवरातिलोवा हिने परखडपणे इम्रान खान यांच्या विधानाचा समाचार घेतला. ‘’तुझ्या विधानावर एक मोठा एफ यू मिळायला हवा इम्रान. तुला याहून चांगलंच माहीत हे की, परंतु तुझी हीच लायकी आहे. इम्रान तुला लाज वाटायला हवी,’’ असं ट्विट करत मार्टीना नवरतिलोवाने हल्लाबोल केला.
एकीकडे पाकिस्तानचे पंतप्रधान इम्रान खान यांच्या कार्यलयाकडून खान यांच्या विधानाचा चुकीचा अर्थ काढण्यात आला असल्याचं स्पष्टीकरण दिलं आहे. मात्र त्यांच्या वक्तव्याचा जगभरातील नेटकऱ्यांनी तसेच काही सेलिब्रिटींनी चांगलाच समाचार घेतला आहे. इम्रान खान यांनी गेल्या आठवड्य़ामध्ये पाकिस्तानी वाहिनीवरच्या शोमध्ये ‘’महिलांवरील अत्याचाराविषयी विचारण्यात आलेल्या प्रश्नाला उत्तर देताना, महीलांवरील वाढते अत्याचार हे पाश्चात्य देशांकडून आलेल्या अश्लिलतेचा परिणाम आहे. मुस्लिस धर्मामध्ये शरीर झाकण्याची पध्दत आहे,’’ असं इम्रान खान म्हणाले होते. (Thats what Imran Khan deserves)
मात्र इम्रान खान यांच्या वक्तव्यावरुन इतर नेटकऱ्याप्रमाणे टेनिसपटू मार्टीना नवारतिलोवा हिने देखील जबरदस्त टिका केली. याआगोदरही इम्रान खान यांनी ओसामा बिन लादेनला शहीद म्हणून वाद ओढवून घेतला होता. ‘’मी कधीही विसरु शकणार नाही आणि पाकिस्तानी नागरिकांनाही शरम वाटली होती जेव्हा अमेरिकने अबोटाबादमध्ये येऊन हल्ला केला होता, आणि ओसामा बिन लादेनला मारलं, त्याला शहीद केलं होतं,’’ असं इम्रान खान म्हणाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.