Russia-Ukraine War: भारतीय दूतावास पुन्हा होणार कार्यरत

युक्रेनची राजधानी कीवमधील भारतीय दूतावास पुन्हा कामाला सुरुवात करणार आहे.
Russia-Ukraine War: भारतीय दूतावास पुन्हा होणार कार्यरत
Russia-Ukraine WarDainik Gomantak

रशिया आणि युक्रेन युद्धादरम्यान युक्रेनची राजधानी कीव येथील भारतीय दूतावासाचे काम थांबवावे लागले होते. परंतु भारतीय दूतावास पुन्हा आपले काम सुरु करणार आहे. दरम्यानच्या काळात भारतीय दूतावास पोलंडमधून तात्पुरते काम करत होते. भारतीय दूतावास पोलंडमध्ये हलवण्यात आल्याची माहिती भारत सरकारने यापूर्वी दिली होती. काही दिवसांनंतर, दूतावासाने युद्धग्रस्त युक्रेनमधील नागरिकांसाठी 24 तासांचा व्हॉट्सअॅप हेल्पलाइन नंबर जारी केला होता.

Russia-Ukraine War
Russia-Ukraine War: 'अचानक', अमेरिकेची फर्स्ट लेडी युध्दग्रस्त युक्रेनमध्ये !

दुसरीकडे, परराष्ट्र मंत्री एस जयशंकर यांनी संसदेत बोलताना सांगितले की, युक्रेनमधील भारतीय दूतावासाने जानेवारी 2022 मध्ये भारतीयांसाठी नोंदणी मोहीम सुरु केली. ज्याअंतर्गत सुमारे 20,000 भारतीयांनी नोंदणी केली.

ते पुढे म्हणाले, "बहुतेक भारतीय नागरिक हे युक्रेनियन विद्यापीठांमध्ये वैद्यकीय शिक्षण घेणारे विद्यार्थी होते." ऑपरेशन गंगा अंतर्गत 18 देशांतील 147 लोकांना युक्रेनमधून बाहेर काढून भारतात आणण्यात आल्याचेही जयशंकर यांनी सांगितले.

Russia-Ukraine War
Russia Ukraine War: रशियाचे युक्रेनवर सायबर हल्ले

भारतीय दूतावासाने सांगितले की, 17 मे रोजी युक्रेनची राजधानी कीवमध्ये भारतीय दूतावास पुन्हा उघडण्यात येणार आहे. रशियन सैन्याच्या वाढत्या हल्ल्यामुळे भारताला कीवमधील आपले दूतावास बंद करावे लागले होते. रशिया आणि युक्रेनमधील (Ukraine) युद्ध अद्याप संपलेले नाही, परंतु युक्रेनच्या लष्कराने रशियाला (Russia) राजधानी कीववर (Kyiv) अद्याप ताबा मिळू दिलेला नाही. रशियन सैन्य आता युक्रेनच्या पूर्व आणि दक्षिणेकडील भागात आपली ताकद वाढवण्याचा प्रयत्न करत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.