भारताला लागून असलेल्या नेपाळच्या आग्नेय प्रांताला मधेस प्रदेश असे नाव देण्यात आले आहे. जनकपूर ही या प्रदेशाची राजधानी म्हणून घोषित करण्यात आली आहे. 2015 मध्ये प्रांताची निर्मिती झाल्यानंतर प्रदेशाच्या अधिकृत नावावर दीर्घकाळ चाललेला वाद मिटला आहे. प्रांतातील बहुतांश लोकसंख्या भारतीय वंशाची असून बहुतांश लोक मैथिली भाषिक आहेत.
दरम्यान, सोमवारी प्रांतीय विधानसभेने दोन तृतीयांश बहुमताने दोन्ही निर्णयांवर मतदान केले. 99 सदस्यांपैकी 78 सदस्यांनी जनकपूरला राजधानी आणि 80 जणांनी प्रांताचे नाव मधेस ठेवण्याच्या बाजूने मतदान केले. मधेस हे क्षेत्रफळाच्या दृष्टीने नेपाळमधील (Nepal) सर्वात लहान राज्य असून लोकसंख्येच्या दृष्टीने दुसऱ्या क्रमांकाचे राज्य आहे. दक्षिणेला त्याची सीमा बिहारशी (Bihar) आहे. त्यात आठ जिल्ह्यांचा समावेश आहे. स्थानिक भाषेत मधेशी म्हणजे मैदानी भागातील लोक. मधेसचा भगवान शिवाशी संबंध हिंदू धर्मग्रंथात सांगण्यात आला आहे.
मधेशींनी विरोध केला होता
सप्टेंबर 2015 मध्ये नेपाळचे नवीन संविधान लागू झाल्यानंतर हा प्रदेश प्रांत बनला. सप्टेंबर 2015 ते फेब्रुवारी 2016 दरम्यान, नेपाळच्या संविधानात अधिक अधिकार आणि प्रतिनिधित्वाच्या मागणीसाठी मधेसींनी केलेल्या निदर्शनांमध्ये 50 लोक मारले गेले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
