तालिबानने महिलांवरील निर्बंध वाढवले

महिलांचे चेहरे झाकले नसल्यास कठोर कारवाईचा दिला इशारा
तालिबानने महिलांवरील निर्बंध वाढवले
Taliban women Dainik Gomantak

तालिबानी राजवटीत महिलांनी काय पेहराव करावा सार्वजनिक ठिकाणी काय पेहराव करु नये, या संदर्भात अनेक वेळा निर्बंध लादणारे फतवे काढले आहेत. यात आता पुन्हा भर पडली असून तालिबान पुरस्कृत मंत्रालयाने या संदर्भात अफगाणच्या अनेक ठिकाणी पोस्टर लावली आहेत. (The Taliban increased restrictions on women )

पोस्टर लावताना तालिबानी धार्मिक पोलिसांनी कंदाहार शहरात हिजाब न घालणाऱ्या महिलांचे पोस्टर लावले आहेत. यामध्ये हिजाब न घालणाऱ्या मुस्लिम महिलांची तुलना प्राण्यांशी करण्यात आली आहे. कंदहारमधील अनेक कॅफे आणि दुकानांवर मंत्रालयाने जाहिरातींचे पोस्टर्स लावले आहेत. या पोस्टर्सवर बुरख्याची छायाचित्रे असून हिजाब न घालणाऱ्या मुस्लिम महिला प्राण्यांसारखे दिसण्याचा प्रयत्न करत असल्याचे लिहिले आहे.

Taliban women
प्रसिद्ध टीव्ही अँकर रस्त्यावर विकतोय स्ट्रीट फूड; तालिबानी राजवटीतील विदारक वास्तव

लावण्यात आलेल्या पोस्टरमध्ये असा मजकूर आहे की, लहान, घट्ट आणि पारदर्शक कपडे परिधान करणे देखील अखुंदजादाच्या आदेशाच्या विरोधात आहे. मंत्रालयाचे प्रमुख अब्दुल रहमान तयबी यांनी सांगितले की, त्यांनी हे पोस्टर्स लावले आहेत आणि ज्या महिलांचे चेहरे झाकलेले नाहीत, आम्ही त्यांच्या कुटुंबीयांना कळवू आणि त्यांच्यावर कठोर कारवाई करू.

Taliban women
उत्तर कोरिया सातव्यांदा करणार अणुचाचणी; वेधलं साऱ्या जगाचं लक्ष

महिलांवर निर्बंध लादणारे फतवे काढणे तालिबानकडून कायम

ऑगस्टमध्ये सत्तेत परत आल्यापासून तालिबानने अफगाण महिलांवर कठोर निर्बंध लादले आहेत. गेल्या मार्चमध्येही तालिबानने एक आदेश जारी करून स्त्री आणि पुरुषांना एकाच दिवशी मनोरंजन उद्यानात जाण्यास बंदी घातली होती. याआधीही तालिबान राजवटीने महिलांवर अनेक निर्बंध लादले आहेत. यामध्ये एकट्याने प्रवास करण्यावर बंदी, लांब पल्ल्याच्या प्रवासासाठी पुरुषाला सोबत घेण्याची गरज, महिलांना ड्रायव्हिंग लायसन्स देण्यावर बंदी, हिजाब परिधान करणे सक्तीचे, दुकानांबाहेर महिलांचे फोटो असलेले फलक काढणे आदींचा समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com