Australia: ऑस्ट्रेलियात तिसऱ्यांदा हिंदू मंदिराची तोडफोड; भिंतींवर लिहिले, ‘हिंदुस्तान मुर्दाबाद’चे नारे !

Hindu Temple: ऑस्ट्रेलियातील हिंदू मंदिरांची तोडफोड थांबण्याचे नाव घेत नाही आहे. आज म्हणजेच सोमवारी अशी घटना तिसऱ्यांदा समोर आली आहे.
Hindu Temple
Hindu TempleDainik Gomantak

Hindu Temples Destroye: ऑस्ट्रेलियातील हिंदू मंदिरांची तोडफोड थांबण्याचे नाव घेत नाही आहे. आज म्हणजेच सोमवारी अशी घटना तिसऱ्यांदा समोर आली आहे.

मीडिया रिपोर्ट्सनुसार, ऑस्ट्रेलियातील व्हिक्टोरिया राज्यात पंधरा दिवसात तिसऱ्या मंदिराची तोडफोड करण्यात आली आहे. मेलबर्नच्या अल्बर्ट पार्कमधील इंटरनॅशनल सोसायटी फॉर कृष्णा कॉन्शियसनेस (इस्कॉन) मंदिराच्या व्यवस्थापनाने आज सकाळी या घटनेची माहिती दिली.

दरम्यान, मंदिर (Temple) परिसराची तोडफोड करण्यात आली असून भिंतींवर ‘हिंदुस्तान मुर्दाबाद’चे नारे लिहिण्यात आल्याचे त्यांनी सांगितले. या घटनांमागे खलिस्तानी समर्थकांचा हात असल्याचे मानले जात आहे.

Hindu Temple
Pakistan Economic Crisis: कंगाल पाकिस्तान शाही शौक! 1.2 अब्ज किमतीच्या आलिशान कार केल्या खरेदी

दुसरीकडे, इस्कॉन मंदिराचे संचालक भक्त दास म्हणाले की, “आम्ही या घटनेने हैराण झालो आहोत. आमच्या प्रार्थनास्थळाचा हा अपमान आहे. याप्रकरणी व्हिक्टोरिया पोलिसात (Police) तक्रार दाखल करण्यात आली आहे. गुन्हेगारांचा शोध सुरु करण्यात आल्याचे पोलिस अधिकाऱ्यांचे म्हणणे आहे. यासाठी सीसीटीव्ही फुटेजही तपासले जात आहे. यातून काही महत्त्वाचे संकेत मिळतील अशी अपेक्षा आहे.''

मंदिरावर भारतविरोधी गोष्टी लिहिल्या

यापूर्वी, 16 जानेवारी रोजी 'खलिस्तान समर्थकांनी' ऑस्ट्रेलियातील एका हिंदू मंदिरावर भारतविरोधी गोष्टी लिहून त्याचे नुकसान केले होते. आठवडाभरात व्हिक्टोरिया प्रांतातील मंदिराचे नुकसान होण्याची ही दुसरी घटना होती. तमिळ हिंदू समुदायाचा तीन दिवस चालणारा सण 'थाई पोंगल' या उत्सवासाठी भाविक मंदिरात गेले, तेव्हा मंदिराची तोडफोड उघडकीस आली.

Hindu Temple
Pakistan Economic Crisis: दाने-दाने को मोहताज...! लाखो पाकिस्तानी लोकांसाठी निर्माण झालं विनाशकारी संकट

लोक व्हिक्टोरिया पोलिसांवर प्रश्न उपस्थित करत आहेत

फेडरल सदस्य जोश बर्न्स म्हणाले: 'आज अल्बर्ट पार्कमधील हरे कृष्ण मंदिरावर झालेल्या घृणास्पद हल्ल्याबद्दल मला धक्का बसला. मेलबर्नमधील हिंदू प्रार्थनास्थळांच्या तोडफोडीची अलीकडच्या आठवड्यात ही तिसरी घटना आहे.

त्याचवेळी, इस्कॉन मंदिराचे भक्त, शिवेश पांडे म्हणाले की, 'गेल्या 2 आठवड्यात शांतताप्रिय हिंदू समुदायाविरोधात द्वेषपूर्ण अजेंडा चालवणाऱ्यांविरोधात व्हिक्टोरिया पोलीस निर्णायक कारवाई करण्यात अपयशी ठरले आहेत.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com