Indonesia law : इंडोनेशिया सरकारने सेक्सबाबत नवा कायदा लागू केला आहे. त्यामुळे पर्यटक आता तिथे जाण्यास घाबरु लागले आहेत. होय, इंडोनेशियामध्ये एक नवीन गुन्हेगारी संहिता लागू झाली आहे, ज्या अंतर्गत विवाहबाह्य लैंगिक संबंधांवर बंदी घालण्यात आली आहे.
दरम्यान, इंडोनेशियाचे राष्ट्रपती जोको विडोडो (Indonesian President Joko Widodo) यांनी या आठवड्याच्या सुरुवातीला नवीन दुरुस्तीला मंजुरी दिली. अहवालानुसार, ही संहिता पर्यटकांसोबतच (Tourists) देशातील नागरिक (Citizens) आणि परदेशी नागरिकांनाही लागू असेल.
नव्या गुन्हेगारी संहितेमुळे पर्यटन क्षेत्राशी निगडीत असलेले लोकही दूर जाण्याची भीती आहे. त्यामुळे इंडोनेशियामध्ये येणाऱ्या पर्यटकांच्या संख्येत मोठी घट होण्याची भीती व्यक्त केली जात आहे.
इंडोनेशियाच्या नॅशनल टूरिझम बोर्डाने सरकारच्या या निर्णयाचा कडाडून विरोध केला आहे. "विशेषत: युरोपीय देशांमध्ये, बरेच लोक लग्नाशिवाय एकत्र राहतात आणि त्यांना मुले देखील आहेत," असे असोसिएशन ऑफ द इंडोनेशियन टूर अँड ट्रॅव्हल एजन्सी बालीचे अध्यक्ष आय पुटू विनास्त्र यांनी म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.