Antonio Guterres On Violence Against Women: जगात दर 11 मिनिटाला महिलेची हत्या

संयुक्त राष्ट्राच्या सरचिटणीस अँटोनियो गुटेरेस यांची धक्कादायक माहिती
Antonio Guterres
Antonio GuterresDainik Gomantak

Antonio Gguterres On Violence Against Women: महत्वाचे वक्तव्य समोर आले आहे. महिला आणि मुलींविरोधातील हिंसाचार हा जगातील सर्वात मोठे मानवाधिकार उल्लंघन आहे. जगात दर 11 मिनिटांनी एका जीवनसाथी असलेल्या महिलेचा खून होतो. आणि विशेष म्हणजे हा खून तिच्या कुटूंबातील सदस्यच करतात, अशी धक्कादायक माहिती संयुक्त राष्ट्राचे सरचिटणीस अँटोनियो गुटेरेस यांनी दिली.

Antonio Guterres
Russia-Ukraine War: युक्रेनमध्ये उणे 20 अंश तापमानात 30 लाख लोकांवर घर सोडायची वेळ

दरवर्षी 25 नोव्हेंबर हा दिवस आंतरराष्ट्रीय महिलाविरोधी हिंसाचार निर्मुलन दिवस म्हणून साजरा केला जातो. त्या पार्श्वभुमीवर ते बोलत होते.

गुटेरेस यांनी जगभरातील देशांच्या सरकारांना 2026 पर्यंत महिला अधिकार संघटना आणि आंदोलनांसाठीच्या निधीत 50 टक्के वाढ करण्याचे आवाहन केले आहे. गुटेरेस म्हणाले की, कोरोना ते आर्थिक घडामोडी हे देखील महिलांवरील अत्याचाराला कारणीभूत आहेत. महिलांना दररोज ऑनलाईन हिंसाचाराचा सामना करावा लागत आहे. जगातील या अर्ध्या लोकसंख्येला भेदभाव, हिंसाचार, गैरवर्तनाचा सामना करावा लागतो.

Antonio Guterres
Iran Football Team to be Jailed?: इराणच्या फुटबॉल संघाला होणार तुरूंगवास?

अशा घटना आर्थिक घडामोडी आणि विकासातील महिलांच्या सहभागावर परिणाम करतात. हिंसाचार आणि भेदभावामुळेच महिलांना त्यांच्या मूळ अधिकार आणि स्वातंत्र्यापासून वंचित ठेवले जाते. त्यामुळे अशा घटनांचा सामना करण्यासाठी प्रत्येक देशाने त्यासाठी राष्ट्रीय स्तरावर कार्यक्रमांची आखणी केली पाहिजे.

संयुक्त राष्ट्राच्या एका अहवालात घरगुती हिंसाचाराबद्दल धक्कादायक माहिती समोर आली होती. यात जगातील 10 पैकी 1 हून अधिक महिला आणि 15 ते 49 वयोगटातील महिला स्वतःच्याच जीवनसाथीकडून लैंगिक, शारिरीक हिंसाचाराच्या बळी ठरतात, असे या अहवालात म्हटले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com