Pakistan And USA: पाकचा USA ला इशारा, 'भारत रशियाकडून तेल खरेदी करु शकतो तर...'

Pakistan Warns US: रशियाकडून तेल खरेदी करण्यापासून अमेरिका पाकिस्तानला रोखू शकत नाही.
Joe Biden & Shahbaz Sharif
Joe Biden & Shahbaz SharifDainik Gomantak

Russia Ukraine War: रशियाकडून तेल खरेदी करण्याबाबत पाकिस्तानने अमेरिकेला कडक इशारा दिला आहे. रशियाकडून तेल खरेदी करण्यापासून अमेरिका पाकिस्तानला रोखू शकत नाही, असे पाकिस्तानचे अर्थमंत्री इशाक दार यांनी म्हटले आहे. दुबईत पाकिस्तान मुस्लिम लीग-नवाज (पीएमएल-एन) च्या कार्यकर्त्यांना संबोधित करताना दार यांनी ही टिप्पणी केली.

आणखी काय म्हणाले पाकिस्तानचे अर्थमंत्री?

पाश्चात्य निर्बंधांदरम्यान दार यांनी रशियाकडून (Russia) तेल खरेदी करण्याबाबत चर्चा करण्यासाठी अमेरिकेच्या परराष्ट्र विभागाच्या अधिकाऱ्यांसोबत बैठक घेतली. ते पुढे म्हणाले की, 'आम्ही अमेरिकेच्या (राज्य विभाग) अधिकार्‍यांना सांगितले की, अमेरिका आम्हाला रशियाकडून तेल खरेदी करण्यापासून रोखू शकत नाही, कारण आपला शेजारी देश भारत देखील रशियाकडून तेल खरेदी करत आहे.'

Joe Biden & Shahbaz Sharif
Pakistan's Drones : सीमेवर पाकिस्तानी ड्रोनच्या घुसखोरीत तब्बल 250 टक्क्यांची वाढ

याआधी, पाकिस्तानने (Pakistan) म्हटले होते की, रशियाकडून तेल खरेदी करण्यात पाकिस्तानला रस आहे. भारतासारख्याच अटींवर रशियाकडून तेल खरेदी करण्याचा मंत्रालय प्रयत्न करेल, असा पुनरुच्चार पाकिस्तानी मंत्र्यांनी केला. दार पुढे म्हणाले की, येत्या काही महिन्यांत तुम्हाला दिसेल की, सरकार या संदर्भात महत्त्वाचे पाऊल उचलेल.

Joe Biden & Shahbaz Sharif
Russia-Ukraine War: UN मध्ये रशिया विरोधात प्रचंड बहुमताने ठराव मंजूर, भारताने घेतला हा मोठा निर्णय

तसेच, 24 फेब्रुवारी रोजी युक्रेनवर आक्रमण झाल्यापासून अमेरिका (America) आणि युरोपीय देशांनी रशियावर कठोर निर्बंध लादले आहेत. मात्र, युक्रेन युद्ध आणि पाश्चिमात्य देशांकडून टीका होत असतानाही भारत रशियाकडून तेल आयात वाढवत आहे. विशेष म्हणजे, पाकिस्तान हा जगातील 35 वा सर्वात मोठा कच्च्या तेलाचा आयातदार आहे. 2020-21 मध्ये त्याने $1.92 अब्ज किमतीचे कच्चे तेल आयात केले. नोव्हेंबरच्या सुरुवातीला, पाकिस्तान सरकारने देशांतर्गत कमतरता पूर्ण करण्यासाठी रशियाकडून 300,000 टन गहू आयात करण्यासाठी सुमारे USD 112 दशलक्ष किमतीच्या कराराला मान्यता दिली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com