'पत्रकार जमाल खाशोगी हत्या प्रकरणात अमेरिकेचा गौप्यस्फोट'

US assassination attempt on journalist Jamal Khashoggi
US assassination attempt on journalist Jamal Khashoggi

वॉशिंग्टन:अंतरराष्ट्रीय स्तरावरील ख्यातनाम पत्रकार जमाल खाशोगी हत्या प्रकरणासंबंधी अमेरिकेच्या गुप्तचर संस्थेने खळबळजनक गौप्यस्फोट केला आहे. जमाल खाशोगी वॉशिंग्टन पोस्टसाठी स्तंभलेखन करत. खाशोगींच्या हत्येला सौदी अरेबीयाचे राजकुमार मोहम्मद बिन सलमान यांनीच परवानगी दिली होती. असं अमेरिकेच्या गुप्तचर संस्थेने म्हटले आहे. 2 ऑक्टोबरला जमाल खाशोगींची इस्तंबूलमधील सौदीच्या दूतावासात हत्या करण्य़ात आली होती. त्यांची हत्येनंतर त्यांच्या मृतदेहाचे तुकडे करण्यत आले होते. आता मात्र अमेरिकेच्या गुप्तचर संस्थेने महत्त्वाचा दावा केला आहे.

सौदी अरेबियाचे राजकुमार यांनी खाशोगींची हत्या करण्यासाठी इस्तंबूल, तुर्कस्तानमध्ये ऑपरेशन राबवण्यासाठी परवानगी दिली होती. असं अमेरिकेच्या गुप्तचर यंत्रणेनं दावा केला आहे. अमेरिका आता सौदी नागरिकांवर निर्बंध घालण्याच्या तयारीत आहे. तसा इशारा अमेरिकेचे जो बायडन यांनी प्रशासनाला दिल्याचं सांगण्यात येत आहे. व्हिसावर निर्बंध घालण्याची शक्यता अमेरिकेकडून वर्तवली जात आहे. मात्र या निर्बंधातून सौदी अरेबियाचे राजकुमार मोहम्मद बिन सलमान यांना वगळण्यात येणार आहे.

पत्रकार जमाल खाशोगींच्या हत्येनंतर तीन महिन्यांनी एक व्हिडीओ समोर आला होता.या व्हिडीओमध्ये खाशोगींच्या हत्येनंतर त्यांचा मृतदेह एका सुटकेसमधून घेऊन जात असल्याचे दिसत आहे. तुर्कस्तानमधील 'ए हेबर' या टिव्ही चॅनलने हा दावा केला आहे. तीन माणसं पाच सुटकेस घेऊन जात असताना दिसत आहेत. खाशोगींच्या मृतदेहाचे तुकडे तुकडे करण्यात आले होते. जमाल खाशोगी सौदीच्या दूतावासात काही महत्तवाची कागदपत्रे घेण्यासाठी गेले होते. मात्र ते परत जिवंत आलेच नाहीत. दूतावासातून खाशोगी कुठे गेले ते कुणाला माहीतच पडले नाही, असं सौदी अरेबियाकडून सांगण्यात आले. मात्र नंतर तुर्कस्तान आणि संयुक्त राष्ट्रांच्या अधिकाऱ्यांनी केलेल्य़ा चौकशीअंती जमाल खाशोगींची हत्या सौदीच्या दूतावासातच झाली असल्याची कबुली सौदी अरेबियाला द्यावी लागली. मात्र त्यांनतर या हत्य़ेचा संशय सौदी राजकुमाराकडे वळल्यानंतर ते काही महिने गायबही झाले होते.


 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com