America: जो बायडन पुन्हा कोरोना पॉझिटिव्ह

Joe Biden Corona Positive: जगातील विविध देशांमध्ये कोरोना रुग्णांची संख्या पुन्हा एकदा वाढू लागली आहे.
joe biden
joe bidenDainik Gomantak

Joe Biden Corona Positive: जगातील विविध देशांमध्ये कोरोना रुग्णांची संख्या पुन्हा एकदा वाढू लागली आहे. दरम्यान, अमेरिकेचे राष्ट्राध्यक्ष जो बायडन पुन्हा एकदा कोरोना पॉझिटिव्ह आले आहेत. खुद्द अमेरिकेच्या राष्ट्राध्यक्षांनी याला दुजोरा दिला आहे. राष्ट्राध्यक्ष जो बायडन यांनी यासंबंधीचे ट्विट करुन आपण कोरोना पॉझिटिव्ह असल्याचे सांगितले आहे.

दरम्यान, त्यांनी ट्विटमध्ये म्हटले आहे की, 'मित्रांनो, आज मी पुन्हा कोरोना पॉझिटिव्ह (Corona Positive) आलो आहे. मला कोणतीही लक्षणे नाहीत, परंतु माझ्या संपर्कात आलेल्यांनी पुन्हा एकदा कोरोना (Corona) चाचणी करुन घ्यावी.'

दुसरीकडे, ट्विटरवर त्यांच्या समर्थकांनी त्यांना लवकर बरे होण्यासाठी शुभेच्छा दिल्या आहेत. याआधी 21 जुलै रोजी बायडन यांना कोरोनाची लागण झाली होती. व्हाईट हाऊसने यासंबंधी माहितीही दिली होती. यातच आता व्हाईट हाऊसने पुन्हा एकदा ट्विट करुन राष्ट्रध्यक्षांना बरे वाटत असल्याचे म्हटले आहे. मात्र, त्यांना अद्याप कोरोनाशी संबंधित कोणतीही लक्षणे जाणवलेली नाहीत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com