Kyrgyzstan Tajikistan Violence: दोन देशात पाण्यावरून वाद; 31 ठार शेकडो जखमी

Kyrgyzstan Tajikistan Water dispute between the two countries 31 killed
Kyrgyzstan Tajikistan Water dispute between the two countries 31 killed

Kyrgyzstan Tajikistan: दोन देशांमधील पाण्याच्या वादात(Violence) कमीतकमी 31 लोकांचा बळी गेला आहे. शेकडो लोक जखमी झाले आहेत. तर 11 हजाराहून अधिक लोकांना आपली घरं सोडून पळून जावं लागलं आहे. पाण्यावरून किर्गिस्तान(Kyrgyzstan Tajikistan) आणि ताजिकिस्तानमधील तणाव बरेच वर्ष जुना आहे. परंतु गुरुवारपासून येथे भीषण हिंसक संघर्ष पाहायला मिळाला.(Kyrgyzstan Tajikistan Water dispute between the two countries 31 killed)

आतापर्यंत 150 लोकांचा बळी

हिंसक चकमकींमुळे दोन्ही देशांकडून भयंकर दगडफेक झाली. यानंतर सैन्यात गोळीबारही झाला. ठार झालेल्या नागरिकांची संख्या 31 वर पोहचली आहे. जोरदार हिंसक संघर्षानंतर दोन्ही देशांनी युद्धबंदीवर सहमती दर्शविली आहे. असे किर्गिस्तानने एका निवेदनात म्हटले आहे. किर्गिस्तानची पहिली उप आरोग्य आणि सामाजिक विकास मंत्री एलिझा सोल्टनबिकोवा म्हणाली की आतापर्यंत आमच्या 150 लोकांचा बळी गेला आहे, त्यातील 31 जणांचा गुरुवारी सुरू झालेल्या हिंसक संघर्षात मृत्यू झाला आहे.

हिंसक संघर्षात 13 वर्षाच्या मुलीचा मृत्यू

किर्गिस्तानमध्ये मृत्यू झालेल्या लोकांमध्ये एका 13 वर्षाच्या मुलीचा समावेश आहे. तिचा जन्म 2008 साली झाला होता. किर्गिस्तानने असेही सांगितले की आतापर्यंत 11 हजाराहून अधिक लोकांना सीमाभागातून घरे सोडून जावे लागले. ताजिकिस्तान बरोबरचे युद्ध येथे फारच भयंकर झाले आहे. गुरुवारी दोन्ही देशांच्या सैन्यात गोळीबार झाला. पण नंतर युद्धबंदीची घोषणा झाली आणि दोन्ही देशांचे सैन्य आपापल्या बेसवर परतले.

दोन देशांमध्ये पाण्यासाठी वाद

दोन देशांमधील इस्फारा नदीवर सुरू असलेले बांधकाम काम मुळात वादाचे मुख्य कारण आहे. ताजिकिस्तानच्या सुरक्षा समितीने आरोप केला आहे की किर्गिस्तानच्या सैन्याने गोलोवनाया पाणी वितरण पॉइंटवर गोळीबार केला होता. नदीवर सुरू असलेल्या बांधकाम कामांवरून दोन्ही देशांच्या नागरिकांमध्ये वाद झाल्याचे सांगण्यात येत आहे. फरगाना घाटातील जमिन अत्यंत सुपीक आहे आणि किर्गिस्तान, ताजिकिस्तान आणि उझबेकिस्तान या तीन देशांमध्ये याच जमिनिवरून वाद सुरू आहे. सोव्हिएत युनियनमध्ये फुट पडल्यानंतर हे तीन देश वेगळे झाले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com