टरबूज अन् लसूण द्या अन् घर घ्या; या देशाला घेरलं आर्थिक मंदीनं

घर खरेदी करण्यासाठी लोक आयुष्यभराची पूंजी गुंतवतात.
Home
HomeDainik Gomantak

घर खरेदी करण्यासाठी लोक आयुष्यभराची पूंजी गुंतवतात. परंतु टरबूज आणि लसूणच्या बदल्यात या देशात घर दिलं जात आहे. हे ऐकून तुम्ही चकित झाला असाल ना! चीनमध्ये सध्या हे घडत आहे. याचे कारण म्हणजे चीनमध्ये मोठी आर्थिक मंदी आली आहे. ज्याचा परिणाम तेथील प्रत्येक व्यावसायिक क्षेत्रावर होताना दिसत आहे. चीनमधील रिअल इस्टेट व्यवसायावर मंदीचा भयंकर परिणाम झाला आहे. या क्षेत्रामध्ये आता प्रॉपर्टी डीलर्सही असेच काही करत आहेत. (Watermelons As Payment In Value Of Property In China Developers Accepting)

वास्तविक, मंदीचा परिणाम चीनमध्ये (China) दिसून येत आहे. त्यामुळे चिनी रिअल इस्टेट डेव्हलपर्स पेमेंटऐवजी टरबूज घेत आहेत. याशिवाय इतर कृषी उत्पादनेही पेमेंट म्हणून स्वीकारली जात आहेत. चीनच्या टियर 3 आणि 4 शहरांमधील रिअल इस्टेट (Real Estate) डेव्हलपर्संनी अलीकडेच विविध प्रचार मोहिमा सुरु केल्या आहेत. ज्यामध्ये घर खरेदीदारांना त्यांच्या डाउन पेमेंटचा काही भाग गहू आणि लसूणसह भरण्याची परवानगी दिली आहे.

Home
ट्विटरची मोठी कारवाई, 46000 हून अधिक भारतीय अकाउंटवर घातली बंदी

FPI या वृत्तसंस्थेनुसार, चीनमधील घरांच्या विक्रीचा आलेख सलग 11 महिन्यांपासून घसरला आहे. गेल्या वर्षीच्या मे 2021 च्या मे महिन्याच्या आकडेवारीची तुलना केल्यास 31.5 टक्के घट झाली आहे. गेल्या काही वर्षांपासून चीनमधील गृहबाजारात सातत्याने घसरण होत आहे. अर्थव्यवस्थेतील मंदी, आर्थिक संकट आणि प्रकल्पावर बांधकाम सुरु होण्यापूर्वी सुरक्षा व्यवस्था करण्यासारखे निर्णय ही त्यामागची प्रमुख कारणे आहेत.

Home
काँगोमध्ये यूएन पीसकीपिंग फोर्सचा भाग बनलेल्या भारतीय लष्कराची मोठी कारवाई

दरम्यान, पूर्वेकडील नानजिंग शहरातील एका रिअल इस्टेट डेव्हलपरने सांगितले की, 'आम्ही स्थानिक शेतकऱ्यांकडून 100,000 युआन पर्यंत किमतीचे टरबूज होम डाउन पेमेंट म्हणून स्वीकारत आहोत.' याशिवाय, गृहनिर्माण कंपनी सेंट्रल चायना मॅनेजमेंटने मे महिन्याच्या शेवटी सोशल मीडियावर एक जाहिरात जारी केली होती, ज्यामध्ये असे सांगण्यात आले होते की, लसणाच्या नव्या हंगामाच्या निमित्ताने, कंपनी शेतकर्‍यांसाठी (Farmer) क्यूईमध्ये घरे खरेदी करण्यासाठी मोठ्या ऑफर घेऊन आली आहे. या ऑफर अंतर्गत, शेतकरी घराच्या किमतीएवढे लसूण देऊन त्यांचं हक्काचं घरं बुक करु शकतात.'

Home
Afghanistan: तालिबान्यांचा नवा फर्मान, टिकटॉक अन् PUBG वर घातली बंदी

दुसर्‍या अहवालानुसार, एका अधिकाऱ्याने सांगितले की, 'आम्हाला सोशल मीडिया प्लॅटफॉर्मवरील सर्व प्रमोशनल पोस्टर्स काढून टाकण्यास सांगण्यात आले आहे. आता आम्हाला प्रचारासाठी इतर मोहिमा तयार करण्यास सांगण्यात आले आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com