अमेरिकेच्या राष्ट्राध्यक्षांना भेटणार नाही- इब्राहिम रइसी

दुबई : अमेरिकेचे निवनिर्वाचित राष्ट्राध्यक्ष जो बायडन (Joe Biden) यांना आपण भेटणार नाही, तसेच इराणच्या (Iran) आंतरखंडीय क्षेपणास्त्र कार्यक्रम आणि क्षेत्रीय नागरी सेनेला त्यांचा असलेला पाठिंबा याच्या बाबत कोणत्याही स्वरुपाची वाटाघाटी करणार नाही, असे इराणचे नवनिर्वाचित अध्यक्ष इब्राहिम रइसी(Ibrahim Raisi) यांनी सोमवारी सांगितले आहे. मागील आठवड्यातील प्रचंड बहुमताने रइसी  विजयी झाल्यानंतर त्यांची कट्टरतावादी भूमिका पुन्हा एकदा  कायम असल्याचे यातून दर्शवले आहे. (Will not meet US President Ibrahim Raisi)

इराणच्या अध्यक्षयी निवडणुकीत इब्राहिम रइसी यांचा विजय

1988 साली जवळपास 5 हजार लोकांच्या देहदंडातील सहभागाबाबत विचारले असता, इराणच्या न्यापालिकेचे प्रमुख असलेले रइसी यांनी स्व:चे वर्णन 'मानवाधिकारांचे संरक्षक' (human rights) असे केले. इराक-इराण युध्दाच्या अखेरीस इराणी इतिहासामधील या काळ्या कालखंडाबाबत त्यांना प्रथमच दूरचित्रवाहिनीवरील थेट कार्यक्रमात जाब विचारण्यात आला आहे.

इराणविरोधातील सर्व जुलमी निर्बंध उठवण्यास अमेरिका बांधील आहे, असे इराणचे अध्यक्ष रइसी यांनी पत्रकार परिषदेत सांगितले. क्षेत्रीय नागरी सेने इराणचा आंतरखंडीय क्षेपणास्त्र कार्यक्रमाला असलेला पाठिंबा याबद्दल विचारले असता हे मुद्दे 'कोणत्याही प्रकारची तडजोड होण्यासारखे नाहीत' असे उत्तर रइसी यांनी यावेळी दिले.