उशीखाली सापडले धार्मिक पुस्तक म्हणून ग्राहकाने केली महिलेची हत्या

हे प्रकरण नायजेरियातील लागोस शहरातील आहे
उशीखाली सापडले धार्मिक पुस्तक म्हणून ग्राहकाने केली महिलेची हत्या
Crime Dainik Gomantak

सेक्स वर्करच्या खोलीत उशीच्या खाली धार्मिक पुस्तक सापडल्यानंतर ग्राहकाने तिच्यावर हल्ला केला. ग्राहकाने त्याच्या साथीदारांसह सेक्स वर्करला बेदम मारहाण केली आणि नंतर तिला पेटवून दिले. हे प्रकरण नायजेरियातील लागोस शहरातील आहे. स्थानिक पोलिसांनी या घटनेला दुजोरा दिला आहे.

Pulse.ng नुसार , मृत महिलेचे नाव ह्रॅन्ना सलीउ असे आहे. ती लागोस शहरात सेक्स वर्कर म्हणून काम करायची. अलीकडेच, जेव्हा एक ग्राहक हॅन्नाला पैसे देण्यासाठी जात होता, तेव्हा हॅनाने त्याचा पाठलाग केला आणि त्याच्यावर तिने पैसे चोरणार असल्याचा आरोप केला.

Crime
काबुल हल्ल्यानंतर भारताने उचलले 'हे' मोठे पाऊल

ग्राहकावर होता चोरीचा आरोप

ग्राहकाने 1000 नायरा (नायजेरियन चलन) दिले होते, परंतु हॅनाने आरोप केला आहे की त्याने 5000 नायरा चोरल्या आहेत. यावरून त्याचा ग्राहकाशी वाद झाला. यावर ग्राहक म्हणाले की, आरोप करण्याऐवजी हॅनाने तिची खोली नीट तपासावी. त्यानंतर ग्राहकाने त्याच्या काही सहकाऱ्यांसह हॅनाची खोली तपासण्यास सुरुवात केली.

मिळालेल्या माहितीनुसार खोलीची झडती घेतली असता, लोकांना हॅनाच्या पलंगावर उशीच्या खाली एक धार्मिक पुस्तक सापडले. हे पाहून ग्राहक आणि त्याचे साथीदार संतापले आणि त्यांनी हॅनाला मारहाण करण्यास सुरुवात केली. त्यांनी हन्‍नाला इतकी मारहाण केली की तिचा मृत्यू झाला. हत्येनंतर तिचा मृतदेह पेटवून दिला.

Crime
17 ग्रॅम गांजासह पकडलेल्या अमेरिकन अधिकाऱ्याला रशियाने सुनावली 14 वर्षांची शिक्षा

लागोस पोलिस अधिकारी बेंजामिन यांनी या घटनेला दुजोरा दिला आहे. त्यांनी अबुबकर मुसा, सरौता मन्सूर आणि सुरजो युसूफ अशी या घटनेतील संशयितांची ओळख पटवली आहे. संशयितांनी आधी सेक्स वर्कर हॅन्ना हिला मारहाण केली आणि नंतर तिच्यावर वार केल्याचे सांगण्यात आले. नंतर तिला खोलीबाहेर फेकून पेटवून देण्यात आले, अशी माहिती स्थानिक पोलिसांनी दिली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com