जगातील सर्वात मोठे क्रूझ निघाले भंगारात, खरेदीदार लावतायेत कवडीमोल किंमत

क्रूझ जहाजावरील पार्ट्या खूप प्रसिद्ध आहेत आणि प्रवासाचा रंग कोणाचेही मन आनंदित करू शकतो.
जगातील सर्वात मोठे क्रूझ निघाले भंगारात, खरेदीदार लावतायेत कवडीमोल किंमत
world biggest ship Dream Line-2Twitter

क्रूझ जहाजावरील पार्ट्या खूप प्रसिद्ध आहेत आणि प्रवासाचा रंग कोणाचेही मन आनंदित करू शकतो. पण आता जगातील सर्वात मोठे क्रूझ जहाज भंगारात पडले आहे. आश्‍चर्याची बाब म्हणजे यासाठी कोणीही खरेदीदार सापडत नाही आणि मालकाकडेही पर्याय उरलेला नाही. कंपनी आता हे जहाज विकत घेण्यासाठी कोणी तयार होईल याची वाट पाहत आहे. (World Biggest Cruise Ship)

जहाजाचा मालिक दिवाळखोर

ड्रीम लाइन-2 असे या क्रूझ जहाजाचे नाव असून ते विकण्याची अनेक दिवसांपासून तयारी सुरू आहे. जर्मन क्रूझ इंडस्ट्रीशी संबंधित नियतकालिक एन बोर्डने म्हटले आहे की, जेव्हा कोणी खरेदीदार सापडत नाही तेव्हा ते भंगारच्या किमतीला विकत आहे. हे असे होत आहे कारण जहाज बनवणारी कंपनी आता पूर्णपणे कर्जात बुडाली आहे आणि कंपनीचा मालक दिवाळखोर झाला आहे. अशा परिस्थितीत त्याला हे जहाज विकून आपले कर्ज कसेतरी कमी करायचे आहे.

world biggest ship Dream Line-2
ब्रिटनमध्ये 40 हजार रेल्वे कर्मचाऱ्यांचा संप

जहाज बनवणाऱ्या कंपनीने सांगितले की, या जहाजासाठी खरेदीदार न मिळाल्याने आता ते भंगारच्या किमतीत विकले जाण्याची शक्यता आहे. Brinkman & Partners या कंपनीचे मालक क्रिस्टोफ मॉर्गन यांना बँकेने दिवाळखोर घोषित केले आहे.

मिळालेल्या माहितीनुसार, हाँगकाँगची कंपनी जेटिंग आणि जर्मन शिपबिल्डर्स मिळून हे आलिशान क्रूझ जहाज बनवत होते. मात्र जानेवारी महिन्यात या दोघांनी स्वतःला दिवाळखोर घोषित करण्यासाठी अर्ज दाखल केला होता. या दोन कंपन्या मिळून आलिशान क्रूझ जहाजांची मालिका बनवत होत्या, त्याचप्रमाणे ड्रीम लाइन-2 ही जेटिंग कंपनीच्या मालकीच्या तीन क्रूझ मालिकांपैकी एक आहे.

world biggest ship Dream Line-2
वाढत्या बलात्कार आणि बाल शोषण घटनांनी पाकिस्तान सरकार धास्तावले

खरेदीदारांनी लावली कौडीमोल किंमत

जर्मनीतील विस्मार येथे एका डॉकवर उभ्या असलेल्या या क्रूझ जहाजाचे 80 टक्के काम पूर्ण झाले आहे. कंपनीचे म्हणणे आहे की सुरुवातीला काही लोकांनी जहाज खरेदी करण्यात रस दाखवला होता, परंतु त्यांची बोली खूपच कमी होती आणि त्यातून जहाजाची किंमत काढणे कठीण होते. मात्र आता जवळपास पूर्णपणे न विकल्या गेलेल्या अवस्थेत तयार असलेल्या या जहाजाला भंगारच्या किमतीत विकण्याचा निर्णय कंपनी मालकाला घ्यावा लागला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com