25 व्या वर्धापन दिनानिमित्त शी जिनपिंग देणार हाँगकाँगला भेट

Hong Kong On High Alert: शी जिनपिंग यांच्या हाँगकाँग दौऱ्यापूर्वी तेथे कडेकोट सुरक्षा व्यवस्था ठेवण्यात आली आहे.
 China President Xi Jinping
China President Xi JinpingDainik Gomantak

चीनचे राष्ट्राध्यक्ष शी जिनपिंग गुरुवारी हाँगकाँगला भेट देऊ शकतात. खरं तर, गुरुवारी हाँगकाँग कम्युनिस्ट चीनकडे सोपवल्याचा 25 वा वर्धापन दिन साजरा केला जात आहे. यानिमित्त भव्य सोहळ्याचे आयोजन करण्यात आले आहे. (XI Jinping Hong Kong Visit news)

शी जिनपिंग यांच्या हाँगकाँग दौऱ्यापूर्वी तेथे कडेकोट सुरक्षा व्यवस्था ठेवण्यात आली आहे. शहरातील काही भागांची नाकेबंदी करण्यात आली आहे. काही पत्रकारांना कार्यक्रमाला येण्यापासून रोखण्यात आले आहे. पण अधिकाऱ्यांनी प्रसारमाध्यमांना थांबवण्यामागे कोरोना महामारी आणि सुरक्षेचे कारण सांगितले आहे.

 China President Xi Jinping
'जूगाडू नवरा भाड्याने देणे आहे', पैसे कमवण्यासाठी महिलेने लढवली शक्कल

कोरोना नंतर पहिला दौरा

जानेवारी 2020 मध्ये कोरोनाच्या (Corona) लाटेनंतर शी जिनपिंग यांचा देशाबाहेरचा हा पहिला दौरा असेल. हाँगकाँगमध्ये सहाव्यांदा स्थापन झालेल्या सरकारच्या शपथविधी सोहळ्यालाही ते उपस्थित राहणार असल्याची माहिती वृत्तसंस्था शिन्हुआने दिली आहे. या भेटीदरम्यान शी जिनपिंग यांच्यासोबत आलेल्या सर्वोच्च पदावरील सरकारी अधिकाऱ्यांना त्यांचे सामाजिक संपर्क मर्यादित ठेवून दैनंदिन पीसीआर टेस्ट करण्याचे आदेश देण्यात आले आहेत

* शी यांच्या भेटीदरम्यान निदर्शने रोखण्यासाठी पोलीस सज्ज

शी जिनपिंग यांच्या हाँगकाँग दौऱ्यादरम्यान कोणतेही निदर्शने होऊ नयेत यासाठी पोलीस सज्ज आहेत. राष्ट्रीय सुरक्षा पोलिसांनी गेल्या आठवडाभरात किमान नऊ जणांना अटक केली आहे. हाँगकाँगच्या विरोधी गटांपैकी एक, लीग ऑफ सोशल डेमोक्रॅट्सने सांगितले की ते राष्ट्रीय सुरक्षा अधिकार्‍यांशी चर्चेनंतर 1 जुलै रोजी निषेध करणार नाहीत. चीनच्या हातात देश देण्याच्या वर्षपूर्तीनिमित्त हाँगकाँगमध्ये दरवर्षी शांततापूर्ण रॅली काढल्या जातात

* हाँगकाँगचा इतिहास

हाँगकाँग (Hongkong) सध्या चीनच्या (China) ताब्यात आहे. 156 वर्षे ब्रिटिशांच्या अधिपत्याखाली राहिल्यानंतर 1 जुलै 1997 रोजी हाँगकाँग चीनच्या ताब्यात देण्यात आले. सध्या हाँगकाँग हा दोन धोरणांखाली चालणारा देश आहे. इथले बहुतांश निर्णय इथले सरकार घेते, पण परराष्ट्र व्यवहार आणि संरक्षणाशी संबंधित निर्णय चीन सरकार घेतात.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com