पणजी: गोवा विधानसभा निवडणुकीत अनेक उमेदवारांनी आपले नशीब आजमावले. यातील काहींना घवघवीत यश मिळाले, तर काही 'काट्यावर पास' झाले. उर्वरीत उमेदवारांच्या वाट्याला निराशा आली.
गोव्यात 40 पैकी 9 मतदारसंघात विजेत्या उमेदवाराचे मताधिक्य एक हजारांपेक्षा कमी आहे, अशी माहिती समोर आली आहे. राज्यात 20 जागा जिंकलेल्या भाजपचे सहा उमेदवार कमी मताधिक्याने विजयी झाले आहेत.
फोंडा (Phonda) मतदारसंघात डॉ. केतन भाटीकर यांच्या विरोधात लढणारे रवी नाईक फक्त 77 मतांनी विजयी झाले. पणजीत भाजपचे बाबुश मोन्सेरात आणि अपक्ष उत्पल पर्रीकर यांच्यात देखील अटीतटीची लढत झाली. बाबुश मोन्सेरात यांनी उत्पल पर्रीकर (Utpal Parrikar) यांचा 716 मतांनी पराभव केला. मांद्रे मतदारसंघात मगोचे जीत आरोलकर हे 768 मतांनी विजयी झाले. आरजीचे एकमेव आमदार वीरेश बोरकर यांनी सांत आंद्रे मतदारसंघात बाजी मारली.
प्रियोळमध्ये मगोचे अध्यक्ष दीपक ढवळीकर यांनी गोविंद गावडे यांना चांगली टक्कर दिली. या दोघांमध्ये 213 मतांचा फरक आहे.
भाजपच्या मतांच्या टक्केवारीत वाढ
गोव्यात 20 जागा जिंकणाऱ्या भारतीय जनता पक्षाच्या (BJP) मतांच्या टक्केवारीत किरकोळ वाढ झाली आहे. यावेळी भाजपने 33.3% मते मिळवली. गोवा विधानसभा निवडणुकीत भाजपने सर्व 40 जागा लढवल्या होत्या. यातील 20 जागा जिंकण्यात त्यांना यश आले. पक्षाला एकूण 3,16,573 मते मिळाली आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
