पणजी : गोव्यात सरकार स्थापन करण्यासाठी भाजपने एक पाऊल पुढे टाकलं आहे. सर्व निकाल जाहीर झाल्यानंतर आजच राज्यपालांची भेट घेऊन सरकार स्थापनेचा दावा पेश करणार असल्याची माहिती मुख्यमंत्री डॉ. प्रमोद सावंत दिली आहे. पूर्ण बहुमताने सरकार स्थापन करणार असल्याचा दावा मुख्यमंत्र्यांनी केला आहे. (CM Pramod Sawant News Updates)
गोव्यात आतापर्यंत हाती आलेल्या कलांनुसार अजूनही भाजपला (BJP) स्पष्ट बहुमत मिळताना दिसत नाही. साहजिकच भाजपला अपक्षांचीही मदत घ्यावी लागणार आहे. अपक्ष आणि मगोपच्या (MGP) पाठिंब्यावर भाजप सरकार बनवेल, असंही मुख्यमंत्र्यांनी स्पष्ट केलं आहे. यापैकी एका अपक्ष आमदाराने भाजपला आपला पाठिंबाही जाहीर केला आहे.
दरम्यान साखळीत मुख्यमंत्री प्रमोद सावंत (Pramod Sawant) यांनी अटीतटीच्या लढतीत विजय मिळवला आहे. काँग्रेसच्या धर्मेश सगलानी यांनी मुख्यमंत्र्यांनी कडवी झुंज दिली मात्र या निवडणुकीत त्यांचा निसटता पराभव झाला आहे. विश्वजीत राणेंनी मुख्यमंत्र्यांच्या विरोधात प्रचार केल्याचं बोललं जात होतं. मात्र तरीही मुख्यमंत्री प्रमोद सावंत यांनी आपला गड राखला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
