भाजप कार्यकर्त्यांकडून विरोधी प्रचार, तरीही जिंकलोच : बाबूश मोन्सेरात

जेनिफर मोन्सेरात यांच्याविरोधातही भाजपच्या कार्यकर्त्यांनी काम केल्याचा दावा
Babush Monserrate
Babush MonserrateDainik Gomantak

पणजी : भाजपच्या कार्यकर्त्यांनी माझ्या विरोधात प्रचार केला, मला मत दिलं नाही. मात्र तरीही मी निवडून आलो आहे. मी केलेलं काम पाहून लोकांनी मला निवडून दिलं आहे, अशी प्रतिक्रिया पणजीतील भाजपचे उमेदवार बाबूश मोन्सेरात यांनी व्यक्त केली आहे. काही निष्ठावान कार्यकर्ते आणि मतदारांमुळे आज आपल्याला विजय मिळाला असल्याचंही बाबूश यांनी स्पष्ट केलं आहे.

Babush Monserrate
सत्तरीत राणे दाम्पत्याकडून काँग्रेसचा धुव्वा

भाजपच्या कार्यकर्त्यांनी मला अजूनही स्वीकारलेलं आहे. मनोहर पर्रीकरांचा (Manohar Parrikar) वारसदार भाजप कार्यकर्ते आपल्याला समजत नाहीत. त्यामुळे त्यांनी उत्पल पर्रीकरांचा प्रचार केला आणि त्यांनाच मत दिलं. ताळगाव मतदारसंघातही जेनिफर मोन्सेरात यांना भाजप कार्यकर्त्यांनी विरोध केला आहे. मात्र आम्ही आमच्या कामाच्या जोरावर निवडून आलो आहोत, असं बाबूश यांनी स्पष्ट केलं आहे. दरम्यान ताळगावात (Taleigao) पहिल्यांदाच जेनिफरमुळे भाजपचा भगवा झेंडा फडकत असल्याचंही बाबूश यांनी सांगितलं.

Babush Monserrate
गोव्यात सर्वांच्या मदतीने सत्ता स्थापन करणार : मुख्यमंत्री प्रमोद सावंत

दरम्यान मला नाकारणाऱ्या आणि माझ्याविरोधात प्रचार करणाऱ्या कार्यकर्त्यांवर भाजपने शिस्तभंगाची कारवाई करावी अशी मागणी बाबूश मोन्सेरात यांनी केली आहे. आपल्याला भाजप कार्यकर्त्यांनी पाठिंबा दिला असता तर जास्त मताधिक्याने निवडून आलो असतो असा दावा बाबूश यांनी केला आहे. तसंच भाजप (BJP) कार्यकर्त्यांनी विरोधात कितीही काम केलं असलं तरीही भाजपच्या तिकीटावर निवडून आलो आहे. भाजपसोबतच राहणार असल्याचंही बाबूश यांनी स्पष्ट केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com