मांद्रेच्या विकासासाठी भाजपचे डबल इंजिन सरकार सत्तेवर आणा: श्रीपाद नाईक

मोरजी: मांद्रे मतदार संघाचा विकास गतीने होण्यासाठी डबल इंजिनचे भाजप सरकार सत्तेवर येणे काळाची गरज आहे. त्यासाठी आपले कार्यक्षम आमदार दयानंद सोपटे यांना पुन्हा निवडून द्या, त्यांना मंत्री करा, असे प्रतिपादन केंद्रीय मंत्री श्रीपाद नाईक यांनी पार्से येथील भाजपच्या बैठकीत केले. (Shripad Naik on Mandrem Development)

पार्से पंचायत सभागृहात आयोजित केलेल्या या कोपरा बैठकीला व्यासपीठावर भाजपचे मांद्रे मतदार (Candidate) संघाचे उमेदवार आमदार दयानंद सोपटे, पार्सेच्या सरपंच सौ प्रगती सोपटे, पंच सौ ममता सातरडेकरश्री प्रेमनाथ कानोलकर भाजपचे मांद्रे मंडळ अध्यक्ष मधुकर परब,सचिव सुदेश सावंत , तुये चे सरपंच सुहास नाईक,बापू धुरी ,निरीक्षक गोरख मांद्रेकर,राजू राऊत , हरमलचे माजी सरपंच अनंत गडेकर ,सौ दीपा तळकर पार्सेचे माजी सरपंच तथा युवा मोर्चा अध्यक्ष रामा नाईक , विर्नोडा पंच शैलेंद्र परब आदी उपस्थित होते. (Goa Aseembly election News Udpates)

यावेळी बोलताना श्रीपाद नाईक म्हणाले की, आपले लोकप्रिय आमदार दयानंद सोपटे यांनी थोड्या कालावधित अमर्यादित विकास केला आहे. विकास काय असतो हे त्यांनी दाखवून दिले आहे. खरं म्हणजे देशाला स्थिर सरकार देणारे भाजप (BJP) राज्याला स्थिर सरकार देवू शकते.

केंद्र सरकारने (Central Government) नेहमीच गोव्याकडे विशेष लक्ष पुरवले आहे. आतापर्यंत विकास कामासाठी 38 हजार कोटी इतका निधी सरकारने गोव्याला (Goa) दिला आहे. पेडणे तालुक्याला विकासाच्या मुख्य प्रवाहात आणण्यासाठी दयानंद सोपटे यांनाच निवडून द्या, असे श्रीपाद नाईक म्हणाले.