धरसोड वृत्ती आलेक्सवर शेकली, काँग्रेसने नाकारली उमेदवारी

कुडतरीचे माजी आमदार आलेक्स रेजिनाल्ड लॉरेन्स यांची धरसोड वृत्ती त्यांच्यावरच शेकली असून पुन्हा काँग्रेस पक्षात येऊन कुडतरीची उमेदवारी घेण्याच्या त्यांच्या मनसुब्यावर पाणी फेरले गेले.
धरसोड वृत्ती आलेक्सवर शेकली, काँग्रेसने 
नाकारली उमेदवारी
Aleixo Reginald Lawrence Dainik Gomantak

मडगाव: कुडतरीचे माजी आमदार आलेक्स रेजिनाल्ड लॉरेन्स यांची धरसोड वृत्ती त्यांच्यावरच शेकली असून पुन्हा काँग्रेस पक्षात येऊन कुडतरीची उमेदवारी घेण्याच्या त्यांच्या मनसुब्यावर पाणी फेरले गेले. काँग्रेसने (Congress) त्यांना उमेदवारी नाकारत माजी जिल्हा पंचायत सदस्य मोरेन रिबेलो याना आज उमेदवारी जाहीर केली.

काँग्रेसने उमेदवारी नाकारल्यावर आता रेजिनाल्ड (Aleixo Reginald Lawrence) यांनी आपण अपक्ष म्हणून निवडणूक लढविणार अशी घोषणा केली आहे. दरम्यान रिबेलो याना काँग्रेसने उमेदवार म्हणून जाहीर केल्या नंतर कुडतरीच्या काँग्रेस करूकर्त्यांनी समाधान व्यक्त केले. रेजिनाल्ड याना काँग्रेसची उमेदवारी मिळणे कठीण असून रिबेलो हेच उमेदवारीचे प्रबळ दावेदार असल्याचे वृत्त 'गोमंतक'ने दोन दिवसांपूर्वी आणले होते. हे वृत्त 100 टक्के खरे ठरले.

सुमारे एका महिन्यांपूर्वी रेजिनाल्ड यांनी काँग्रेस सोडून तृणमुल पक्षात प्रवेश केला होता. त्यानंतर मागच्या आठवड्यात त्यांनी तृणमूल पक्षही सोडला होता. त्यांना काँग्रेस पक्षात परत आणून उमेदवारी देण्याचा प्रयत्न मायकल लोबो यांनी चालविला होता. पण उमेदवारी जाहीर केल्यानंतर रेजिनाल्ड यांनी काँग्रेस सोडल्याने काँग्रेस पक्षश्रेष्ठी त्यांच्यावर प्रचंड नाराज होते. त्याचेच परिणाम त्यांना भोगावे लागत असल्याचे सांगितले जात आहे.

दरम्यान, काँग्रेसची उमेदवारी प्राप्त झालेले माजी जिल्हा पंचायत सदस्य मोरेन रिबेलो यांनी आपल्यावर काँग्रेसने विश्वास दाखविल्यामुळे पक्षाच्या नेत्यांना धन्यवाद दिले असून कुडतरीत पुन्हा काँग्रेस सहज निवडून येईल असा विश्वास व्यक्त केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.