BJPकडून घराणेशाहीचे समर्थन; राणे-मोन्सेरात दाम्पत्य गोवा निवडणूकीच्या मैदानात

या यादीत भाजपची वन फॅमिली वन तिकीट ही घोषणा हवेतच विरल्याचे पाहायला मिळाले. कारण याच यादीत भाजपने राणे दाम्पत्य आणि मोन्सेरात दाम्पत्याला तिकीट जाहीर केले आहे.
BJPकडून घराणेशाहीचे समर्थन; राणे-मोन्सेरात दाम्पत्य गोवा निवडणूकीच्या मैदानात
Vishwajit Rane Dr. Divya Rane and Jennifer Monserrat Babush MonserratDainik Gomantak

पणजी : गोवा विधानसभा निवडणुकीसाठी (Goa Elecion 2022) भाजपने आज 34 उमेदवारांची पहिली यादी जाहीर केला. भाजपची ही यादी कालच जाहीर करण्याचे ठरले होते मात्र काही जागांवर कालपर्यंत विचारविनमय सुरू असल्याने ही यादी येण्यास वेळ लागला. अखेरीस आज भाजपने (BJP) गोवा प्रभारी देवेंद्र फडणवीसांच्या उपस्थितीत आपल्या 34 उमेदवारांची पहिली यादी प्रसिद्ध केली. यात राज्याचे मुख्यमंत्री प्रमोद सावंत, उपमुख्यमंत्री मनोहर आजगावकर, चंद्रकांत कवळेकर यांच्यासह इतर नावांचा समावेश आहे.

Vishwajit Rane Dr. Divya Rane and
Jennifer Monserrat Babush Monserrat
Goa BJP: राजीनामा द्यायचे नाटक करत मिलिंद नाईकांना मिळाली भाजपची उमेदवारी

मात्र या यादीत भाजपची वन फॅमिली वन तिकीट ही घोषणा हवेतच विरल्याचे पाहायला मिळाले. कारण याच यादीत भाजपने राणे दाम्पत्य आणि मोन्सेरात दाम्पत्याला तिकीट जाहीर केले आहे. यादिमध्ये प्रसिद्ध केलेल्या माहितीनुसार भाजपने वाळपई मतदारसंघातून विश्वजीत प्रतापसिंग राणे (Vishwajit Rane) आणि पर्ये मतदारसंघातून त्यांची पत्नी दिव्या विश्वजीत राणे (Dr. Divya Rane) यांना तिकीट जाहीर झाले आहे. त्याचसोबतच पर्रिकरांचा बालेकिल्ला असलेल्या पणजी मतदारसंघातून बाबूश मोन्सेरात (Babush Monserrat) आणि ताळगाव मतदारसंघामधून त्यांची पत्नी जेनिफर मोन्सेरात (Jennifer Monserrat) यांना भाजपने उमेदवारी घोषित केली आहे.

Vishwajit Rane Dr. Divya Rane and
Jennifer Monserrat Babush Monserrat
उत्पल पर्रीकरांना डावलत बाबूश मोन्सेरात यांना पणजीमधून उमेदवारी जाहीर

भाजपचे गोवा प्रभारी देवेंद्र फडणवीस (Devendra Fadnavis) यांनी देखील या घराणेशाहीचे समर्थन केले आणि या यादीत दिलेली उमेदवारी योग्यच असल्याचे सांगितले. "विश्वजीत राणे हे भाजपचे आमदार होते. त्यांनी काँग्रेसमधून राजीनामा देवून वाळपई मतदारसंघातून भाजपच्या चिन्हावर निवडणूक लढवत विजय मिळवला होता. तर पर्ये हा मतदारसंघ काँग्रेसचे जेष्ठ नेते प्रतापसिंग राणे यांचा होता. आम्ही त्यांना काँग्रेसच्या उतरता आलेख बघता भाजपमध्ये येण्याचे निमंत्रण दिले होते. परंतु प्रतापसिंग राणे यांनी आता वय झाले म्हणत सक्रिय राजकारणापासून लांब राहण्याचा निर्णय घेतला. त्यांच्या जागी त्यांनी हा मतदारसंघ भाजपला दिला असून त्याठिकाणी भाजपने राणे यांच्या इच्छेनुसारच प्रतापसिंग राणे यांची सुन डॉ. दिव्या राणे यांना उमेदवारी जाहीर केली आहे. तर मोन्सेरात दाम्पत्य यापुर्वी पासूनच विधानसभेवर होते. त्यामुळे जेनिफर मोन्सेरात आणि बाबूश मोन्सेरात यांना त्यांच्या सिटींग जागेवरूनच उमेदवारी देण्यात आली असल्याचे," देवेंद्र फडणवीस यांनी पत्रकार परिषदेत स्पष्ट केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.