Goa Assembly Election: 'मुख्यमंत्र्यांनी निवडणूक आचारसंहितेचा भंग केला'

भाजप (BJP) कार्यकर्ते कोविड निर्बंध न पाळता घोळक्याने प्रचार करत असल्यावचेही निवडणूक आयोगाच्या लक्षात आणून दिले आहे.
Goa Assembly Election: 'मुख्यमंत्र्यांनी निवडणूक आचारसंहितेचा भंग केला'
Chief Minister Dr. Pramod SawantDainik Gomantak

मडगाव: गोव्यात निवडणुकीची आचारसंहिता लागू झालेली असतानाही मुख्यमंत्री डॉ. प्रमोद सावंत आणि रवींद्र भवन मडगावचे अध्यक्ष दामू नाईक (Damu Naik) यांनी रवींद्र भवनमध्ये आयोजित केलेल्या युवा सन्मान पुरस्कार विचारणाला उपस्थिती लावून आचारसंहितेचा भंग केल्याची तक्रार गोवा फॉरवर्डने (Goa Forward) केंद्रीय निवडणूक आयोगाकडे केली आहे. दरम्यान सायंकाळी उशिरा केलेल्या आणखी एका तक्रारीत भाजप कार्यकर्ते कोविड निर्बंध न पाळता घोळक्याने प्रचार करत असल्यावचेही निवडणूक आयोगाच्या लक्षात आणून दिले आहे.

दरम्यान निवडणूक आयोगाने पहिल्या तक्रारीची दखल घेत कला व संस्कृती खात्याच्या संचालकांना चौकशी करण्याचे आदेश दिले आहेत. जर या तक्रारीत तथ्य आढळून आल्यास योग्य ती कारवाई करावी असे सहाय्यक निवडणूक अधिकारी संगीता नाईक यांनी या आदेशात म्हटले आहे.

Chief Minister Dr. Pramod Sawant
Goa Assembly Election: 'गोव्यात शिवसेनेचं अस्तीत्व नगण्य'

काल युवा दिना निमित्ताने रवींद्र भवनमध्ये युवा सन्मान पुरस्कार देण्याचा सोहळा आयोजित केला होता. त्या कार्यक्रमाला मुख्यमंत्री प्रमोद सावंत (Chief Minister Dr. Pramod Sawant) प्रमुख पाहुणे म्हणून हजर होते. त्यांनी यावेळी पुरस्कार वितरणही केले होते. या कार्यक्रमाला दामू नाईक हे उपस्थित होते. या कार्यक्रमाचे फोटो आणि मुख्यमंत्री सावंत यांनी केलेल्या ट्विटच्या प्रती लावून निवडणूक आयोगाकडे दुर्गादास कामत यांनी तक्रार केली होती. रवींद्र भवनच्या सदस्य सचिवांवरही कारवाई करावी अशी मागणी केली होती.

दरम्यान आज सायंकाळी उशिरा फातोर्डा मतदारसंघात भाजप कार्यकर्ते 12 - 13 कार्यकर्त्यांचा घोळका करून प्रचार करत असल्याची तक्रार दाखल केली. प्रचार करताना पाचपेक्षा अधिक कार्यकर्त्याना घेऊन फिरण्यास निवडणूक आयोगाने मनाई केलेली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com