Goa Election: मोरेन रिबेलो पुन्हा काँग्रेस वाटेवर!

केवळ 20 दिवसातच भाजप पक्षाचा राजीनामा दिलेले कुडतरीचे माजी जिल्हा पंचायत सदस्य मोरेन रिबेलो (Moreno Rebello) यांनी आज अपेक्षेनुसार आज काँग्रेस पक्षात प्रवेश केला.
Goa Election: मोरेन रिबेलो पुन्हा काँग्रेस वाटेवर!

Moreno Rebello

Dainik Gomantak 

मडगाव: केवळ 20 दिवसातच भाजप पक्षाचा राजीनामा दिलेले कुडतरीचे माजी जिल्हा पंचायत सदस्य मोरेन रिबेलो (Moreno Rebello) यांनी आज अपेक्षेनुसार आज काँग्रेस पक्षात प्रवेश केला. कुडतरीचे काँग्रेस गट अध्यक्ष मिलाग्रीस फेर्नांडिस यांनी त्यांचे पक्षात स्वागत केले. गोव्यात सुशासन केवळ काँग्रेस पक्षच देऊ शकतो याची खात्री पटल्यानेच आपण 20 दिवसातच भाजपचा त्याग करून पुन्हा काँग्रेस (Congress) पक्षात प्रवेश केला असे त्यांनी सांगितले.

यावेळी त्यांच्या बरोबर भाजपात (BJP) गेलेले त्यांचे सहकारी आणि कुडतरीचे उपसरपंच सायमन बार्रेटो हेही हजर होते. रिबेलो यांच्या जिल्हा पंचायत सदस्य असलेल्या पत्नी मिशेल रिबेलो आणि कुडतरी काँग्रेस गटाचे माजी अध्यक्ष मिलाग्रीस रोड्रिग्स हेही यावेळी उपस्थित होते.

<div class="paragraphs"><p>Moreno Rebello</p></div>
Goa Election: 'मला डावलले गेल्यास मी अपक्ष म्हणून ही निवडणूक लढवेन'

काँग्रेसचे प्रदेशअध्यक्ष गिरीश चोडणकर (Girish Chodankar) आणि विरोधी पक्षनेते दिगंबर कामत (Digambar Kamat) यांनी आपण पुन्हा काँग्रेस पक्षात यावे अशी गळ घातली आणि आपण ती मान्य केली असे रिबेलो म्हणाले. यावेळी बोलताना गट अध्यक्ष फेर्नांडिस यांनी आता कुडतरीत सर्व काँग्रेस सदस्य एकत्र येऊन पुन्हा या मतदारसंघात काँग्रेसचा उमेदवार निवडून आणण्यासाठी प्रयत्न करू असे सांगितले.

रिबेलो यांनी 10 डिसेंबर रोजी काँग्रेस पक्षाचा त्याग करून भाजपात प्रवेश केला होता. मात्र रेजिनाल्ड लॉरेन्स यांनी काँग्रेस सोडल्यावर काल रिबेलो यांनी भाजपला राम राम ठोकला होता .

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com